Сяргей Філімонаў (тэлевядоўца)

Сяргей Філімонаў (5 кастрычніка 1959 - 16 лістапада 2021^[1]) — беларускі тэлевізійны вядоўца, знакаміты па тэлеперадачы Відзьмо-невідзьмо.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Філімонаў.

Сяргей Філімонаў
Дата нараджэньня	5 кастрычніка 1959(1959-10-05)
Дата сьмерці	16 лістапада 2021(2021-11-16) (62 гады)
Занятак	тэлевядовец

Зь дзяцінства зьбіраў кружэлкі. Нейкі час жыў у Маскве. У пачатку 1990-хвярнуўся ў Менск, трымаў свой пункт пракату відэакасэт і друкаваўся у мясцовых газэтах. Яго запрасілі на БТ весьці праграму пра фільмы і музыку/ Назву перадачы ён прыдумаў у пераходзе падчас музычнай тусоўкі, што зьбіралася тады ў пераходзе на станцыі мэтро Акадэмія навук^[2].

Беларускамоўная праграма «Відзьмо-невідзьмо» ад 1992 году выходзіла на БТ, затым з 2011 году — на СТВ. За гэты час перадача стала культавай для пакаленьня беларусаў. У праграме абмяркоўваліся навіны і зьявы кіно, музыкі, поп-культуры ды сучаснага мастацтва. З 2015 году праграма адрадзілася на «Белсаце».