Сіндзі Кагава

Сі́ндзі Каґа́ва (па-японску: 香川 真司; нар. 17 сакавіка 1989 году, Кобэ, Японія) — японскі футбаліст, паўабаронца клюбу «Сэрэза Осака» і нацыянальнай зборнай Японіі. Пераможца Кубка Азіі 2011 году.

Сіндзі Кагава
Пэрсанальная інфармацыя
Нарадзіўся	17 сакавіка 1989(1989-03-17)[1][2] (36 гадоў) Кобэ, Японія
Рост	175 см
Вага	68 кг
Пазыцыя	паўабаронца
Клюбная інфармацыя
Клюб	Сэрэза Осака[d]
Нумар	8
Клюбы
Гады	Клюб	Гульні (галы)¹
2006—2010	Сэрэза Осака[d]	125 (55)
2010—2012	Барусія Дортмунд	49 (21)
2012—2014	Манчэстэр Юнайтэд	38 (6)
2014—2019	Барусія Дортмунд	99 (20)
2018	Барусія Дортмунд II	1 (0)
2019	→ Бэшыкташ	14 (4)
2019—2020	Рэал Сарагоса	33 (4)
2021	ПАОК	6 (0)
2022—2023	Сынт-Тройдэн	18 (2)
2023—4	Сэрэза Осака[d]	60 (4)
Зборныя
2006—2008	Японія (да 20)[d]	4 (0)
2008	Японія (да 23)[d]	3 (0)
2008—2019	Японія	97 (31)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 лютага 2024.

Кар’ера

Клюбная

У 12 гадоў Сіндзі быў запрошаны ў акадэмію Міягі, адкуль у 16 гадоў перайшоў у клюб «Сэрэза Осака». Стаў першым японскім футбалістам, якія падпісаў прафэсійны кантракт да заканчэньня школы. У 2010 годзе дэбютаваў у Джэй-лізе, згуляўшы 11 матчаў і забіўшы 7 мячоў.

Выдатны старт у «Сэрэса Осака» ўмацаваў пазыцыю дортмундзкай «Барусіі» ў тым, што Сіндзі зможа ўзмацніць клюб. 1 ліпеня 2010 году стала вядома, што клюбы дамовіліся паміж сабой на трансфэр. 12 ліпеня Сіндзі падпісаў кантракт з дортмундцамі тэрмінам на тры гады^[3]. У гульнях за нямецкі клюб стаўся адным зь лідэраў каманды.

5 чэрвеня 2012 году было абвешчана аб пераходзе Кагавы ў ангельскі клюб «Манчэстэр Юнайтэд»^[4]. 22 чэрвеня футбаліст прайшоў мэдычнае абсьледаваньне ў Манчэстэры, атрымаў дазвол на працу й падпісаў з клюбам чатырохгадовы кантракт^[5]. 20 жніўня дэбютаваў за «Манчэстэр Юнайтэд» у матчы супраць «Эвэртана»^[6].

Улетку 2014 году вярнуўся ў Нямеччыну, бо ў «Манчэстэр Юнайтэд» гэтак ня здолеў замацавацца.

Міжнародная

24 траўня 2008 году дэбютаваў у нацыянальнай зборнай Японіі таварыскім матчам супраць зборнай Кот-д’Івуару, які завяршыўся перамогай японцаў зь лікам 1:0.

Дасягненьні

«Барусія»:

• Чэмпіён Нямеччыны: 2011, 2012
• Уладальнік Кубка Нямеччыны: 2012, 2017

«Манчэстэр Юнайтэд»:

• Чэмпіён Ангельшчыны: 2013
• Уладальнік Супэркубка Ангельшчыны: 2013

ПАОК:

• Уладальнік Кубка Грэцыі: 2021

Японія:

• Уладальнік Кубка Азіі: 2011