Сўіндан

Сўі́ндан (па-ангельску: Swindon) — горад у графстве Ўілтшыр на паўднёвым захадзе Ангельшчыны. Месьціцца паміж Брысталам у 56 кілямэтрах на захад і Рэдынгам, на такой жа адлегласьці на ўсход. Да Лёндану адлегласьць складае 114 км. Паводле зьвестак перапісу навельніцтва 2011 году, у Сўіндане пражывала крыху больш за 182 тысяч чалавек^[1]. У горадзе знаходзіцца завод па вытворчасьці аўтамабіляў Honda, які плянуецца зачыніць у 2021 годзе.

Сўіндан
Краіна:	Вялікабрытанія
Плошча:	40 км² 39,7 км²
Насельніцтва:	▲192 408 чал. (2019)
Тэлефонны код:	01793
Паштовы індэкс:	SN1, SN2, SN3, SN4, SN5, SN6, SN25, SN26
Геаграфічныя каардынаты:	51°33′30″ пн. ш. 1°46′52″ з. д.
Сўіндан на мапе Вялікабрытаніі Сўіндан
Галерэя здымкаў у Вікісховішчы
https://www.swindon.gov.uk/

Гісторыя

Англасаксонскае паселішча на месцы сучаснага гораду разьмяшчалася ў абароненым становішчы на вяршыні вапняковага ўзгорка. Яно згадваецца ў Кнізе Страшэнага суду 1086 году. Да бітвы пры Гастынгсе Сўіндан належаў англасаксонскаму тэну зь імём Леафгіт^[2]. Сўіндан быў невялікім мястэчкам, у асноўным меўся невялікі раздробны гандаль, прыблізна да 1848 году. Індустрыяльная рэвалюцыя была прычынай паскарэньня росквіту гораду. Будаўніцтва каналу Ўілтса і Бэркса ў 1810 годзе і Паўночнага канала Ўілтса ў 1819 годзе прывялі да росту гандлю ў гэтым рэгіёне, і колькасьць насельніцтва Сўіндана пачала расьці. У XIX стагодзьдзі горад стаў важным чыгуначным вузлом, бо ў горадзе зьявіліся прадпрыемсты па абслугоўваньню і рамонту цягнікоў.