Томаш Росіцкі

То́маш Ро́сіцкі (па-чэску: Tomáš Rosický; нар. 4 кастрычніка 1980 году, Прага, Чэхаславаччына) — чэскі футбаліст, паўабаронца. Раней выступаў за нацыянальную зборную Чэхіі. Дзякуючы добрай тэхніцы валоданьня мячом атрымаў мянушку «Маленькі Моцарт». Вядомы працаздольнасьцю й уменьнем аддаваць дакладныя й вострыя перадачы.

Томаш Росіцкі
Пэрсанальная інфармацыя
Нарадзіўся	4 кастрычніка 1980(1980-10-04)[1][2][3][…] (44 гады) Прага, Чэхаславаччына[2]
Рост	180 см
Вага	70 кг
Пазыцыя	паўабаронца
Клюбы
Гады	Клюб	Гульні (галы)¹
1998—2001	Спарта Прага	41 (8)
2001—2006	Барусія Дортмунд	149 (20)
2006—2016	Арсэнал Лёндан	170 (19)
2016—2017	Спарта Прага	12 (1)
Зборныя
1997—1998	Чэхія (да 17)[d]	16 (6)
1999	Чэхія (да 21)[d]	2 (0)
2000—2016	Чэхія	105 (23)

Біяграфія

Пачынаў займацца футболам у дзіцячай камандзе клюбу «ČKD Kompresory Praha», праз два гады перайшоў у школу праскай «Спарты». «Спарта» цікавілася ягоным старэйшым братам Іржы Росіцкім, і іхны бацька настаяў, каб Томаша таксама ўзялі ў каманду. У 1998 годзе дэбютаваў у дарослай камандзе «Спарты». У складзе «Спарты» ён тройчы станавіўся чэмпіёнам Чэхіі й стаў самым маладым уладальнікам тытула «Найлепшы гулец году ў Чэхіі».

У 2001 годзе Росіцкі перайшоў у дортмундзкую «Барусію», дзе гуляў значную ролю ў паўабароне стаўшы адным зь лідэраў клюбу.

23 траўня 2006 году Росіцкі падпісаў доўгатэрміновы кантракт зь лёнданскім «Арсэналам». Сума трансфэру не выдавалася. У новым клюбе Томаш атрымаў 7 нумар, які да яго меў француз Рабэр Пірэс, замест якога ён і быў набыты.

Нацыянальная зборная

Дэбютаваў у нацыянальнай зборнай у 2000 годзе ва ўзросьце 19 гадоў у матчы з камандай Ірляндыі. Гуляў за Чэхію на чэмпіянатах Эўропы 2000 і 2004 гадоў, на ЧЭ-2004 дайшоў у ейным складзе да паўфіналу.

Дасягненьні

«Спарта»:

• Чэмпіён Чэхіі: 1999, 2000

«Барусія» Дортмунд:

• Чэмпіён Нямеччыны: 2002

«Арсэнал»:

• Уладальнік Кубка Ангельшчыны: 2014, 2015
• Уладальнік Супэркубка Ангельшчыны: 2014