Тразімунд I

Тразімунд I (лац. Thrasimund I, Thransamund I, памер у 703) — граф Капуі (663) і герцаг Спалета (663—703)^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Тразімунд.

Біяграфія

Як граф Капуі надаў дапамогу герцагу Бэнэвэнта Грымаальду пры захопе ўлады ў каралеўстве лянгабардаў, наведаўшы Спалета і Тусцыю дзеля збору прыхільнікаў. У падзяку кароль лянгабардаў Грымаальд аддаў яму ў жонкі сваю дачку, потым па сьмерці Ато прызначыў яго герцагам Спалета. Кіраваў Спалета на працягу каля сарака гадоў супольна з сваім братам Вахілапам.

Меў сына Фараальда II, які стаў яго пераемнікам.