Трохбаковы футбол

Трохбако́вы футбо́л — адмена футболу, асноўным адрозьненьнем якой зьяўляецца адначасная прысутнасьць на полі трох камандаў.

Гульня ў трохбаковы футбол, 1997

Правілы

Поле для гульні ў трохбаковы футбол мае форму роўнабаковага шасьцікутніка з трыма брамамі, разьмешчанымі на кожнай другой грані^[1]. Гульня вядзецца адным мячом. Матч цягнецца 3 таймы па 12 хвілінаў. Перамагае каманда, якая прапусьціла найменш галоў.

Мінуўшчына

Аўтарам ідэі трохбаковага футболу лічыцца дацкі мастак-абстракцыяніст Асгер Ёрн. Ён імкнуўся разьвіць і ўзбагаціць тэорыю сытуацыянізму, таму трохбаковы футбол нарадзіўся у многім як тэарэтычны праект. З філязофскага пункту погляду галоўнай перавагай гульні, на думку аўтара, зьяўляецца адсутнасьць драмы. Меркавалася, што трохбаковы футбол спрыяе разьвіцьцю навыкаў зносінаў між калектывамі.

Першы афіцыйны матч па трохбаковым футболе адбыўся ў 1993 годзе ў Глазга і быў арганізаваны лёнданскай Псыхагеаграфічнай асацыяцыяй^[2].

У сьвеце

Гульня атрымала папулярнасьць у Ангельшчыне, Аўстрыі, Беларусі, Італіі, Польшчы, Сэрбіі, Шатляндыі.