Уліковы нумар плацежніка

Уліко́вы ну́мар плаце́жніка (Уліковы нумар плацельшчыка), УНП — адзіны ўнікальны нумар фізычнай ці юрыдычнай асобы пры аплаце падаткаў, збораў (у тым ліку мытных), мытаў^[1]. Надаецца кожнаму плацежніку пры пастаноўцы на ўлік у падатковым органе ў Беларусі.

Зьвесткі пра фізычную ці юрыдычную асобу пры наданьні УНП захоўваюцца ў Дзяржаўным рэестры плацежнікаў Міністэрства па падатках і зборах Рэспублікі Беларусі. УНП юрыдычнай асобы захоўваецца за ёй да сканчэньня дзейнасьці, ліквідацыі або рэарганізацыі. УНП фізычнай асобы захоўваецца за ёю да канца жыцьця.

Адпаведнікам УНП у краінах Эўропы ёсьць ідэнтыфікацыйны нумар ПДВ(en), у Расеі — ідэнтыфікацыйны нумар падаткаплацежніка(ru).

Структура УНП

УНП фармуецца як лічбавы (для арганізацыяў) ці літарна-лічбавы (для фізычных асобаў) код, складаецца з 9 знакаў і мае наступную структуру:

${\displaystyle {X_{1}}{X_{2}}{X_{3}}{X_{4}}{X_{5}}{X_{6}}{X_{7}}{X_{8}}{K}}$

${\displaystyle {X_{1}}}$ — лічба ці літара, вызначае рэгіён, дзе зарэгістраваны прадпрымальнік:

Рэгіён	Знак для фізычных асобаў	Знак для юрыдычных асобаў
м. Менск	${\displaystyle A}$	${\displaystyle 1}$
Берасьцейская вобласьць	${\displaystyle B}$	${\displaystyle 2}$
Віцебская вобласьць	${\displaystyle C}$	${\displaystyle 3}$
Гомельская вобласьць	${\displaystyle E}$	${\displaystyle 4}$
Гарадзенская вобласьць	${\displaystyle H}$	${\displaystyle 5}$
Менская вобласьць	${\displaystyle K}$	${\displaystyle 6}$
Магілёўская вобласьць	${\displaystyle M}$	${\displaystyle 7}$

${\displaystyle {X_{2}}}$ — ${\displaystyle {X_{8}}}$ — парадкавы нумар плацежніка. Кожны наступны нумар плацежніка ўтвараецца даданьнем адзінкі да папярэдняга прызначанага нумару. ${\displaystyle {K}}$ — кантрольны лік, які прызначаны для выяўленьня памылак, магчымых пры запісе УНП у дакумэнтах, на тэхнічных носьбітах інфармацыі, пры перадачы інфармацыі па каналах сувязі.

Прыклад

• УНП 200988541 — юрыдычная асоба зь Берасьцейскай вобласьці.
• УНП МА1953684 — фізычная асоба з Магілёўскай вобласьці.

Разьлік УНП

Разьлік кантрольнай лічбы

Кожны знак, які ўваходзіць у структуру УНП (зь першага па восьмы), мае сваю вагу — просты лік. Вага кожнага знаку:

Знак УНП	${\displaystyle {X_{1}}}$	${\displaystyle {X_{2}}}$	${\displaystyle {X_{3}}}$	${\displaystyle {X_{4}}}$	${\displaystyle {X_{5}}}$	${\displaystyle {X_{6}}}$	${\displaystyle {X_{7}}}$	${\displaystyle {X_{8}}}$
Вага знаку	29	23	19	17	13	7	5	3

Кожны знак памнажаецца на сваю вагу, вынікі сумуюцца разам:

${\displaystyle S=29*{X_{1}}+23*{X_{2}}+19*{X_{3}}+17*{X_{4}}+13*{X_{5}}+7*{X_{6}}+5*{X_{1}}+3*{X_{8}}=\sum _{i=1}^{8}{X_{i}}*\omega _{i}}$

Кантрольная лічба ${\displaystyle {K}}$ зьяўляецца астачай ад дзяленьня атрыманай сумы на 11:

${\displaystyle K=S\mod 11}$

Калі вынік роўны 10, то дадзены УНП не выкарыстоўваецца; парадкавы нумар плацежніка павялічваецца на адзінку да тае пары, пакуль вынік ня стане меншы за 10. Вынік выкарыстоўваецца ў якасьці кантрольнай лічбы.

Разьлік УНП для фізічных асоб

Для літарных знакаў фізычных асобаў выкарыстоўваюцца наступныя лічбавыя адпаведнікі:

${\displaystyle A=10;B=11;C=12;E=14;H=17;K=20;M=22}$

Пасьля вызначэньня кантрольнай лічбы лічбавае значэньне другога знаку замяняецца літарай лацінскага альфабэту ў наступнай адпаведнасьці:

${\displaystyle 0\rightarrow A;1\rightarrow B;2\rightarrow C;3\rightarrow E;4\rightarrow H;5\rightarrow K;6\rightarrow M;7\rightarrow O;8\rightarrow P;9\rightarrow T.}$

Глядзіце таксама

• Падатковы кодэкс Рэспублікі Беларусь