Убангі

Убангі — галоўны правы прыток ракі Конга ў Цэнтральнай Афрыцы.

Рака бярэ выток на мяжы з Дэмакратычнай рэспублікай Конга каля горада Джакама пры сутоцы рэк Мбому і Уэле.

Першыя 370 км рака цячэ ў заходнім напрамку, затым шырокай пятлёй паварочвае на паўднёвы-захад, працякае затым праз сталіцу Цэнтральнаафрыканскай рэспублікі Бангі. Праз 100 км пасьля Бангі Ўбангі ўтварае натуральную мяжу паміж ужо названымі дзяржавамі і з гэтага месца да вусьця цячэ на ўсім працягу мяжы паміж Дэмакратычнай рэспублікай Конга і Рэспублікай Конга. Убангі ўпадае ў Конга 550 км ніжэй па цячэньні ад Бангі і ў 90 км да паўднёва-захаду ад горада Мбандака.