Убудаванае праграмнае забесьпячэньне

Убудава́нае прагра́мнае забесьпячэ́ньне — кампутарнае праграмнае забесьпячэньне, прызначанае для кіраваньня машынамі ці прыладамі, вядомымі пад агульнай назвай убудаваныя сыстэмы. Звычайна такія праграмы спэцыялізаваныя пад канкрэтнае апаратнае забесьпячэньне, на якіх выконваецца, і мае абмежаваньні ў часе і памяці^[1]. Часам пад убудаваным можа падразумявацца ўшытае праграмнае забесьпячэньне^[2].

Сканэр штрых-кодаў

На этапе стварэньня вытворцы ўбудоўваюць праграмнае забесьпячэньне ў электроніку аўтамабіляў, тэлефонаў, мадэмаў, робатаў, побытавых прыладаў, цацак, электракардыястымулятараў, тэлевізараў і прыставак да іх(en), гадзіньнікаў ды інш^[3]. Такое праграмнае забесьпячэньне можа выконваць як толькі найпрасьцейшыя функцыі (кіраваньне асьвятленьнем) да выкананьня складаных задачаў працадзейнасьці маршрутызатараў, самалётаў, ракетаў і сыстэмаў аўтаматызацыі^[4].