Уладзімер Каткоўскі
беларускі блогер, інфарматык, заснавальнік беларускай Вікіпэдыі From Wikipedia, the free encyclopedia
Remove ads
Уладзімер Леанідавіч Каткоўскі (19 чэрвеня 1976, Менск — 25 траўня 2007, Прага) — беларускі блогер і дзяяч інтэрнэту.
Remove ads
Біяграфія
Нарадзіўся ў Менску, тамсама скончыў школу. У 1993 годзе зьехаў у ЗША паводле праграмы адукацыйнага абмену «Акт у падтрымку свабоды».
Скончыў Амэрыканскі ўнівэрсытэт у Благоеўградзе (Баўгарыя) у спэцыяльнасьці «інфарматыка». Працаваў кампутарным спэцыялістам у Будапэшце (Фонд Сораса), потым у Франкфурце-на-Майне. З 2002 году працаваў у беларускай рэдакцыі Радыё Свабода.
16 чэрвеня 2006 году разам з сваёй жонкай Ёнадай трапіў у аўтамабільную катастрофу на вуліцы Прагі. З таго часу знаходзіўся ў глыбокай коме. Памёр 25 траўня 2007 году, амаль праз год па катастрофе, так і не вярнуўшыся да прытомнасьці. Пахаваны на могілках «Пятроўшчына» ў Менску.
Remove ads
Дзейнасьць у інтэрнэце
Уладзімер Каткоўскі быў адным з пачынальнікаў беларускамоўнага інтэрнэту і яго актыўным і вядомым дзеячом. У канцы 1990-х гадоў разам зь Ёнадай у Баўгарыі стварыў сайт «Літванія, зямля ліцьвінаў». Быў адным зь першых беларускамоўных блогераў у LiveJournal (карыстальнік rydel23[1]), пазьней таксама стаў адным з найболей папулярных. За свой блог br23.net[2] атрымаў гран-пры 4-га конкурсу беларускіх кантэнт-праектаў, які праводзіўся кампаніяй TUT.BY.
Стварыў і падтрымліваў сайт Pravapis.org, прысьвечаны беларускай мове, сайт «Мартыралёґ Беларусі», які апавядаў пра беларускія ахвяры сталінскіх рэпрэсіяў. Пераклаў на беларускую мову інтэрфэйс вядомага пошукавіка Google, заснаваў Вікіпэдыю на беларускай мове (Удзельнік:Rydel).
Стварыў і адміністраваў апошнюю вэрсію сайту беларускай службы Радыё Свабода.
Уладзімер Каткоўскі заўсёды актыўна змагаўся за пашырэньне беларускай мовы і аб’ектыўнай інфармацыі пра Беларусь у інтэрнэце.
Remove ads
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads