Уладзіслаў Сычоў

Уладзіслаў Аляксандравіч Сычоў (нар. 26 студзеня 2002 году) — беларускі футбаліст, паўабаронца гомельскага «Лякаматыва» (у арэндзе з «Слуцку»).

Уладзіслаў Сычоў
Пэрсанальная інфармацыя
Нарадзіўся	26 студзеня 2002(2002-01-26) (23 гады) Слуцак, Менская вобласьць, Беларусь[1]
Рост	180 см[2]
Вага	67 кг[2]
Пазыцыя	паўабаронца
Клюбная інфармацыя
Клюб	Лякаматыў Гомель (у арэндзе з клюбу «Слуцак»)
Нумар	23
Клюбы
Гады	Клюб	Гульні (галы)¹
2020—4	Слуцак	44 (5)
2021—2022	→ Лякаматыў Гомель	52 (7)
2025—4	→ Лякаматыў Гомель	8 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 18 траўня 2025.

Кар’ера

Клюбная

З 2017 году займаўся ў сталічнай Акадэміі АБФФ на базе РДВАР, а ўлетку 2019 году перайшоў у «Слуцак». У клюбе пачаў гуляць за дубль, а неўзабаве прыцягваўся да першай адзінаццатцы. 21 жніўня 2020 году дэбютаваў у Найвышэйшай лізе ў матчы супраць менскага «Дынама» (1:2), калі выйшаў у стартавым складзе і быў заменены ў другім тайме. У далейшым працягваў часам прыцягвацца да асноўнай каманды случакоў.

Сэзон 2021 году пачаў у арэндзе ў гомельскім «Лякаматыве», дзе замацаваўся ў аснове і гуляў пераважна ў пачатковым складзе. Па заканчэньні сэзону 2021 году вярнуўся ў «Слуцак». У пачатку 2022 году трэнаваўся з клюбам, а ў сакавіку 2022 году зноўку быў арандаваны «Лякаматывам»^[3]. У сэзоне 2022 году заставаўся гульцом асноўнага складу гомельскай дружыны, а зь лета стаў часьцей выходзіць на замену. У сьнежні 2022 году па заканчэньні арэнды пакінуў «Лякаматыў»^[4].

У пачатку 2023 году пачаў рыхтавацца да новага сэзону з «Слуцкам». У красавіку 2023 году падоўжыў кантракт з слуцкім клюбам да канца 2024 году^[5]. У пачатку сэзону 2023 году часьцей заставаўся на лаўцы запасных, але зь верасьня замацаваўся ў першай адзінаццатцы каманды. Цягам сэзону 2024 году прапусьціў толькі адзін матч супраць «Менску», але часта не гуляў усе 90 хвілінаў матчу. У сакавіку 2025 году на правах арэнды быў накіраваны ў гомельскі «Лякаматыў»^[6].

Міжнародная

У кастрычніку 2018 году гуляў за зборную Беларусі (да 17 гадоў) у кваліфікацыйным, а ў сакавіку 2019 году ў элітным раўндах чэмпіянату Эўропы.