Усяслаў Полацкі (манэта)

Памятная манэта «Усяслаў Полацкі» — беларускія юбілейныя манэты Нацыянальнага банку Беларусі ўведзеныя ў абарачэньне 28 сьнежня 2005 году. Манэты выбіты са срэбра — наміналам 20 рублёў і медна-нікеля — 1 рубель.

Гэта артыкул пра памятную манэту. Калі вам патрэбны артыкул пра Усяслава Полацкага, глядзіце артыкул Усяслаў Чарадзей.

Манэта «Усяслаў Полацкі», 20 рублёў, рэвэрс

Манэта «Усяслаў Полацкі», 20 рублёў, авэрс

Манэтаю распачата сэрыя Ўмацаваньне і абарона дзяржавы.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• якасьць: «пруф»
• наклад: 5000 асобнікаў
• кошт продажу ў НББ — 63 500 руб. бяз футляру

Медна-нікелевая

• намінал: 1 рубель
• вага манэты: 15.5 г
• дыямэтар: 33 мм
• якасьць: «пруф-лайк»
• наклад: 5000 асобнікаў
• кошт продажу ў НББ — 6 860 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: пасярэдзіне: рэканструкцыя Сафійскага Сабору, за часамі Усяслава Полацкага; згары — выява дзяржаўнага гербу Беларусі, «РЭСПУБЛІКА БЕЛАРУСЬ»; долу зьмешчаны год біцьця, для срэбра — чыстая вага каштоўнага мэталю і проба, надпіс па колу — «ДВАЦЦАЦЬ РУБЛЁЎ» на срэбранай і «АД3ІН РУБЕЛЬ» — на медна-нікелевай.

• Рэвэрс: выява Ўсяслава Полацкага; зьлева стылізаваная выява воўка на тле сонца, як сымбаль ненатуральных магчымасьцяў Усяслава; зьлева па колу надпіс «УСЯСЛАЎ ПОЛАЦКІ» і гады яго кіраваньня «1044—1101».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Крыніцы

• Нацыянальны банк Рэспублікі Беларусі