Участковая камісія

Участковая камісія^[a] — часовы ўрад, для правядзеньня галасаваньня пад час рэфэрэндума, выбараў Прэзыдэнта, выбараў дэпутатаў Палаты прадстаўнікоў і мясцовых Саветаў дэпутатаў у Беларусі. Яны ствараюцца перад галасаваньнем і распускаюцца пасьля правядзеньня галасаваньня. Асабовы склад прызначаецца з надзейных людзей, якія будуць выконваць загады выканаўчых камітэтаў.

Віды

Учасковыя камісіі дзеляцца па відах:

• па рэфэрэндуме^[1]
• па выбарах Прэзыдэнта Беларусі^[2]
• па выбарах дэпутатаў Палаты прадстаўнікоў^[3]
• па выбарах дэпутатаў мясцовых Саветаў дэпутатаў^[4]
• па правядзеньню галасаваньня аб адкліканьні дэпутата Палаты прадстаўнікоў^[5]
• па правядзеньню галасаваньня аб адкліканьні дэпутата мясцовага Савета дэпутатаў^[6]

Стварэньне

Участковыя камісіі ствараюцца перад галасаваньнем і распускаюцца пасьля падвядзеньня вынікаў галасаваньня. Асабовы склад камісіі прызначаецца у раёнах райвыканкамам, а ў горадзе гарвыканкамам.

Выканкамы прызначаюць асоб, якія будуць надзейна выконваць загады ўлад Беларусі.

Выбарчы кодэкс абавязвае выканкамы прызначаць^[7]:

• грамадзян Беларусі
• узростам 18 і болей гадоў
• слуг дзяржаўных урадаў, але ня больш за 1/3 асабовага складу ўчастковае камісіі (па-за межамі Беларусі могуць быць і болей слуг дзяржаўных урадаў)
• прадстаўнікоў грамадзкіх аб'яднаньняў, у тым ліку палітычных партыяў, у памеры ня менш за 1/3 асабовага складу ўчасткове камісіі (за выключэньнем участковых камісіяў ва ўстановах аховы здароўя, бальніцах і г.д.)

Дзейнасьць

На першым паседжаньні камісіі выбіраюцца старшыня, намесьнік старшыні і пісар^[8].

Участковая камісія складае сьпіс грамадзян Беларусі, якія будуць галасаваць на выбарчым участку. Правярае сьпіс грамадзян, якія будуць галасаваць на ўчастку. Прымае скаргі грамадзян Беларусі на выключэньне (або ўключэньне) ў сьпіс выбаршчыкаў, якія галасуюць на выбарчым участку. Сьпіс выбаршчыкаў падпісвае старшыня ўчастковае камісіі^[9]. Яна ж паведамляе кожнага грамадзяна-выбаршчыка аб месцы знаходжаньня выбарчага ўчастку і час у які можна прагаласаваць^[10].

Участковая камісія мае важныя абавязкі:

• прысутнічае пад час галасаваньня на выбарчым ўчастку
• выдае выбаршчыкам лісты для галасаваньня
• пасьля завяршэньня галасаваньня адкрывае скрыні зь лістамі галасаваньня
• лічыць галасы
• складае пратакол галасаваньня, які паказвае вынікі галасаваньня на выбарчым ўчастку
• перадае вынікі галасаваньня ў вышэйшую тэрытарыяльную камісію

Роспуск

Участковая камісія пасьля выбараў і падвядзеньня іх вынікаў на выбарчым участку прыпыняе сваю дзейнасьць і распускаецца.

Заўвагі

1. Заканадаўства па стане на 2 верасьня 2019 г.