Хімэрападобныя

Хімэры, хімэрападобныя (Chimeaeriformes) — атрад храстковых рыб падклясы зьлітначарапных, або суцэльнагаловых.

Хімэрападобныя
Callorhinchus milii
Клясыфікацыя
Царства	Жывёлы
Падцарства	Эўмэтазоі
Разьдзел	Білятэральныя
Тып	Хордавыя
Падтып	Хрыбетныя
Надкляса	Рыбы
Кляса	Храстковыя рыбы
Атрад	Хімэрападобныя
Бінамінальная намэнклятура
Chimeaeriformes
Хімэрападобныя на Віківідах  Хімэрападобныя ў Вікісховішчы ITIS 161009 · NCBI 7864

Вядомы зь юрскага пэрыяду, пашыраны ў мэлявы пэрыяд. Вядома 3 сучасныя сямействы: хімэравыя (Chimaeridae), насатыя, або рынахімэравыя (Rhinochimaeridae), і хобатнарылыя, або каларынхавыя (Callorhinchidae). 6 родаў, каля 30 відаў.

Цела голае, сьціснутае з бакоў, даўжыня да 1,5 м, маса да 10 кг, хвост ніткападобны. Сьпіна чырвона-бурая, бакі серабрыстыя з жаўтавата-бурымі плямамі. На галаве ў самцоў калючы булавападобны прыдатак, брушныя плаўнікі ператвораны ў капулятыўныя органы (птэрыгаподыі). Размнажаюцца яйцамі, якія зьмешчаны ў рогападобнай капсуле. Рыла падобнае на тупы конус. Зубы — тоўстыя пласьціны.

Пашыраны ў Атлянтычным, Індыйскім і Ціхім акіянах. Пераважна глыбакаводныя (да 2500 м) прыдонныя рыбы. Маларухомыя. Кормяцца ігласкурымі, малюскамі, ракападобнымі, радзей рыбаю.

Некаторыя — аб’екты промыслу.