ЦЭЦ-3 (Менск)

ЦЭЦ-3 — філія РУП «Менскэнэрга» — прадпрыемства энэргетыкі ў паўднёва-ўсходняй частцы Менску. Забясьпечваецца тэхнічнай вадой з Чыжоўскага вадасховішча.

Выгляд ЦЭЦ-3 зь Серабранкі

Пабудаваная ў 1951 року ЦЭЦ з вызначанай магутнасьцю 25 МВт прызначалася для забесьпячэньня электраэнэргіяй, парай і цяплом Менскага трактарнага заводу.

У 1961 на ЦЭЦ-3 усталяваная 1-я ў СССР цеплафікацыйная турбіна вызначанай магутнасьцю 100 МВт.

Цяпер ЦЭЦ абслугоўвае буйны прамысловы вузел, утвораны трактарным, аўтамабільным, маторным, падшыпнікавым і іншымі заводамі, а таксама абслугоўвае да 25% жыльлёвага фонду гораду. Вызначаная магутнасьць дасягае 370 МВт.

Плянуецца рэканструкцыя з мэтаю павысіць ККД і давесьці вызначаную магутнасьць да 550 МВт.

Вонкавыя спасылкі

• Менск стары-новы (рас.)