Царква Раства Багародзіцы (Уваравічы)

Царква Раства Багародзіцы — помнік архітэктуры сярэдзіны XX стагодзьдзя ва Ўваравічах. Знаходзіцца ў цэнтры мястэчка. Дзее. Твор традыцыйнай беларускай драўлянай архітэктуры.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Раства Багародзіцы (неадназначнасьць).

Помнік сакральнай архітэктуры
Царква Раства Багародзіцы
Краіна	Беларусь
Мястэчка	Уваравічы
Канфэсія	Беларуская праваслаўная царква
Эпархія	Гомельская япархія

Гісторыя

Новую драўляную царкву ва Ўваравічах збудавалі ў 1945 годзе.

Архітэктура

Помнік традыцыйнай беларускай драўлянай архітэктуры. Крыжова-купальны падоўжана-выцягнуты храм фармуюць працяглы прастакутны ў пляне бабінец з купалам над 2-схільным дахам, папярочны зруб малітоўнай залі, 5-гранная апсыда зь нізкімі бакавымі рызьніцамі. Сяродкрыжжа 2-схільных дахаў завяршаецца 8-гранным сьветлавым барабанам з купалам. Гарызантальна ашаляваныя фасады (цокальная частка — вэртыкальна) падзяляюцца прастакутными аконнымі праёмамі.

Унутраная прастора перакрываецца корабавым скляпеньнем з размалёўкамі, апсыда вылучаецца трапэцападобным прасьветам і 2-ярусным іканастасам. Абразы XVIII—XIX стагодзьдзяў: «Сьвяты Мікалай», сьвяточнага цыкла іканастаса «Васкрасеньне», «Ушэсьце», «Праабражэньне», «Стрэчаньне», «Уезд у Ерусалім», «Сашэсьце Сьвятога Духа»^[1].