Царква Сьвятога Мікалая (Рымкі)

Царква Сьвятога Мікалая — праваслаўны храм у в. Рымкі Шчучынскага раёну Гарадзенскай вобласьці.

Храм
Царква Сьвятога Мікалая
Краіна	Беларусь
Вёска	Рымкі
Каардынаты	53°29′4.56″ пн. ш. 24°53′00.94″ у. д.
Канфэсія	праваслаўе і Беларуская праваслаўная царква
Эпархія	Гарадзенская і Ваўкавыская япархія[d]
Тып будынка	рэтраспэктыўна-расейскі стыль
Царква Сьвятога Мікалая на мапе Беларусі Царква Сьвятога Мікалая

Гісторыя

На паўднёвай ускраіне вёскі. Пабудавана напрыканцы XIX стагодзьдзя з цэглы і бутавага каменю. Акаймавана бутавай агароджай з арачнай брамай.

Архітэктура

Помнік архітэктуры сынадальнага накірунку рэтраспэктыўна-расейскага стылю. Пабудавана па канону чатырохчасткавага храму. Падоўжна-восевую кампазыцыю складаюць трох’ярусная (васьмярык на 2 чацьверыках) званіца, нізкая і кароткая трапэзная, кубападобная малітоўная заля, апсіда. Шацёр званіцы і чатырохсхільны дах малітоўнай залі завершаны адпаведна макаўкай і цыбулепадобнай галоўкаю на васьмігранным барабане.

На паліхромным фоне бутавай муроўкі вылучана атынкаваныя элемэнты архітэктурнага дэкору: вуглавыя лапаткі, аркатурныя фрызы, прафіляваныя ліштвы лучковых аконных і прамавугольнага ўваходнага праёмаў, кілепадобныя франтоны.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Мікалая  (рас.), Глёбус Беларусі