Церахоўскі пасялковы савет

Церахо́ўскі пасялковы савет — былая адміністрацыйна-тэрытарыяльная адзінка ў складзе Добрускага раёну Гомельскай вобласьці. Адміністрацыйны цэнтар — мястэчка Церахоўка.

Гісторыя

8 сьнежня 1926 году створаны Церахоўскі сельсавет у складзе Краснабудзкага (з 4 жніўня 1927 году — Церахоўскага) раёну Гомельскай акругі (да 26 ліпеня 1930 году), з 20 лютага 1938 году — Гомельскай вобласьці.

30 сьнежня 1927 году ў выніку рэарганізацыі і ўзбуйненьня сельсаветаў Гомельскай акругі сельсавету перададзеныя населеныя пункты скасаванага Ніўкаўскага сельсавету.

27 верасьня 1938 году Церахоўцы нададзены статус гарадзкога пасёлку. У сувязі з гэтым Церахоўскі сельсавет скасаваны, населеныя пункты перададзеныя навастворанаму Церахоўскаму пасялковаму савету ў складзе Церахоўскага (з 25 сьнежня 1962 году — Добрускага^[1]) раёну Гомельскай вобласьці^[2].

1 сьнежня 2009 году ў склад пасялковага савету перададзеныя ўсе населеныя пункты — Васільеўка, Чырвоны Алёс — ліквідаванага Васільеўскага сельсавету^[3].

20 студзеня 2011 году вёска Церахоўка далучаная да мястэчка Церахоўкі^[4].

12 лістапада 2013 году пасялковы савет рэарганізаваны ў сельсавет^[5].

Населеныя пункты

• 1 студзеня 1968 году — 7^[6]
• 1 студзеня 1974 году — 7^[7]
• 1 студзеня 1981 году — 7^[8]
• 1 студзеня 1986 году — 7^[9]