Цэнтар Трэці сэктар

«Трэці сэктар» — цэнтар інфармацыйнай падтрымкі грамадзкіх ініцыятываў, заснаваны ў 1997 годзе грамадзкімі дзеячамі і журналістамі Горадні^[1]. У 1997—2006 гг. выдавала аднайменны часопіс^[2]. Яшчэ да дзяржаўнага ўліку са студзеня 1997 г. пачала падрыхтоўку карэспандэнтаў і прэс-сакратароў шляхам правядзеньня штогадовага 7-месячнага курсу «Асновы журналістыкі» і стажаваньня на вэб-пляцоўцы «Твой стыль». Да 2014 г. падрыхтоўку прайшлі 280 журналістаў^[3]. З красавіка 1999 г. выдавала сеціўную рассылку «Кроніка грамадзкага жыцьця Гарадзеншчыны»^[4]. З 2004 г. мае ўласную бібліятэку. Са студзеня 2010 г. ажыцьцяўляе 7-месячнае навучаньне сталых людзей ва ўзросьце ад 55 гадоў. Таксама ладзіць міжнародныя летнікі і фэстывалі маладзёвай журналістыкі^[5] і нефармальнай адукацыі^[6]. З 2011 г. ладзіць праект «Постаці»^[7].

«Трэці сэктар»
Дэвіз	Захоўваем і ствараем
Дата ўтварэньня	люты 1997
Тып	весткавае
Юрыдычны статус	грамадзкае аб’яднаньне
Мэта	пашырэньне грамадзянскай дзейнасьці на аснове беларускіх нацыянальных каштоўнасьцяў
Штаб-кватэра	Горадня, вул. Будзёнага, д. 48а
Дзейнічае ў рэгіёнах	Гарадзенская вобласьць
Старшыня	Вітаўт Руднік
Зьвязаныя кампаніі	«Твой стыль», Школа маладога журналіста
Сайт	www.3sektar.by

Глядзіце таксама

• Газэта «Пагоня»