Краснагорскі сельсавет (Амсьціслаўскі раён)

Краснаго́рскі сельсавет^[1][2] (таксама — Чырвонаго́рскі сельсавет^[3]) — адміністрацыйна-тэрытарыяльная адзінка ў складзе Амсьціслаўскага раёну Магілёўскай вобласьці. Адміністрацыйны цэнтар — вёска Падлужжа, раней — вёска Красная Горка. Насельніцтва на 2010 год — 1390 чалавек^[4].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Краснагорскі сельсавет.

Гісторыя

20 жніўня 1924 году ў складзе Амсьціслаўскага раёну створаны Рылаўшчынскі сельсавет з цэнтрам у вёсцы Малая Зяціца.

У 1937 годзе Рылаўшчынскі сельсавет пераўтвораны ў Краснагорскі.

20 красавіка 1939 году вёска Рылаўшчына перайменавана ў Красную Горку.

28 лістапада 2017 году ў склад сельсавету перададзеныя ўсе населеныя пункты — Беразуйкі, Вароўскага, Дудчыцы, Каленькава, Колтава, Ластрыгіна, Сьлёзкі, Сялец, Цяляткава — ліквідаванага Сялецкага сельсавету^[5].