Этнонім

Этно́нім (ад грэц. έθνος 'этнас' і грэц. όνυμα 'імя, назва') — назва нацыі, народу, народнасьці, племені ды іншых этнічных супольнасьцяў. Часта абумоўлівае адпаведную назву дзяржавы або нацыянальна-тэрытарыяльнага ўтварэньня^[1].

Адрозьніваюць макраэтнонімы (пазначаюць вялікія этнічныя супольнасьці) і мікраэтнонімы (пазначаюць малыя этнічныя супольнасьці); эндаэтнонімы (саманазвы, якія прысвойваюць сабе выхадцы з народа або этнічнай супольнасьці) і экзаэтнонімы (назвы, якімі яны называюцца ў навуковай літаратуры або ў навакольным асяродзьдзі)^[2].