Юлі Кузьняцоў

Ю́лі Андрэевіч Кузьняцо́ў (нар. 2 жніўня 2003 году) — беларускі футбаліст, паўабаронца мазырскай «Славіі» і моладзевай зборнай Беларусі.

Юлі Кузьняцоў
Пэрсанальная інфармацыя
Нарадзіўся	2 жніўня 2003(2003-08-02)[1] (21 год) Наваполацак, Віцебская вобласьць, Беларусь[2]
Рост	179 см[2]
Вага	78 кг[3]
Пазыцыя	паўабаронца
Клюбная інфармацыя
Клюб	Славія Мазыр
Нумар	6
Клюбы
Гады	Клюб	Гульні (галы)¹
2021—2023	Менск	45 (0)
2022	→ Нафтан	15 (1)
2024—4	Славія Мазыр	32 (1)
Зборныя
2021	Беларусь (да 19)[d]	3 (0)
2022—2023	Беларусь (да 21)	8 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Клюбная

Пачынаў займацца футболам у наваполацкім «Нафтане», але яшчэ маладзёнам апынуўся ў структуры «Менску». З 2020 году пачаў прыцягвацца да гульняў за дубль. 24 красавіка 2021 году дэбютаваў за асноўную менскую дружыну ў найвышэйшай лізе, зьявіўшыся на зьмену ў канцы сустрэчы супраць менскага «Дынама» (1:3). З чэрвеня стаў зьяўляцца і ў пачатковым складзе каманды. У ліпені 2021 году склаў новы кантракт зь «Менскам»^[4].

У чэрвені 2022 году быў аддадзены ў арэнду «Нафтану»^[5], дзе замацаваўся ў асноўным складзе і дапамог камандзе выйсьці ў найвышэйшую лігу. У студзені 2023 году па вяртаньні з арэнды стаў трэнавацца зь «Менскам»^[6]. У сэзоне 2023 году быў асноўным паўабаронцам сталічнага клюбу.

У пачатку 2024 году трэнаваўся зь «Менскам», а ў лютым перайшоў у мазырскую «Славію»^[7].

Міжнародная

У кастрычніку 2019 году гуляў за юнацкую зборную Беларусі (да 17 гадоў) у кваліфікацыйным раўндзе чэмпіянату Эўропы. У кастрычніку 2021 году гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Эўропы. 21 верасьня 2022 году дэбютаваў у складзе моладзевай зборнай Беларусі, адгуляўшы другі тайм таварыскага матча супраць моладзевай зборнай Расеі (1:6), дзе адзначыўся голам.