Язэп Салавей

Язэ́п Салаве́й (1879^[1] — 21 студзеня 1926, Вільня) — беларускі нацыянальны дзеяч, журналіст, выдавец, рэдактар.

Язэп Салавей
Дата сьмерці	21 студзеня 1926(1926-01-21)
Месца сьмерці	Вільня, Віленскае ваяводзтва, Польская Рэспубліка
Занятак	журналіст, палітык
Месца працы	Гоман Грамадзкі Голас
Сябра ў	Беларуская сацыял-дэмакратычная работніцкая група, Беларускі народны камітэт, Віленская беларуская рада, Беларускае навуковае таварыства і Беларуская часовая рада

Перад Першай сусьветнай вайной працаваў рабочым у Вільні. Адзін зь лідэраў беларускага нацыянальнага руху ў акупаванай кайзэраўскімі войскамі Вільні ў 1915—1918 гадах, сябра Беларускай сацыял-дэмакратычнай работніцкай групы, Беларускага народнага камітэту, Віленскай беларускай рады. Прафсаюзны актывіст, сябра «Беларускага камітэту ахвярам вайны»^[2].

Зь сярэдзіны 1917 да канца 1918 году рэдактар газэты «Гоман». У 1924—1926 гадах быў рэдактарам заходнебеларускае палянафільскае газэты «Грамадзкі Голас».

Аўтар "Успамінаў пра Івана Луцкевіча", выдадзеных у 1920 годзе ў супольным зборніку Іван Луцкевіч, Вільня, 1920 г.^[3]

Раптоўна памёр проста на вуліцы каля будынку рэдакцыі 21 студзеня 1926^[1]. Менавіта нечаканасьцю сьмерці без афіцыйнай перадачы рэдактарскіх паўнамоцтваў тлумачыцца спыненьне выхаду «Грамадзкага голасу» і перайменаваньня яго ў «Беларускае слова».