Янік Фэрэйра Караска

Янік Фэрэйра Караска (па-нідэрляндзку: Yannick Ferreira Carrasco; нар. 4 верасьня 1993 году, Вільвоордэ) — бэльгійскі футбаліст, ўінгер саудаўскага клюбу «Аль-Шабаб» і нацыянальнай зборнай Бэльгіі.

Янік Фэрэйра Караска
Пэрсанальная інфармацыя
Нарадзіўся	4 верасьня 1993(1993-09-04)[1][2] (31 год) Іксэль[d], Брусэль-Сталіца[d][1]
Рост	180 см
Вага	72 кг
Пазыцыя	флянгавы паўабаронца
Клюбная інфармацыя
Клюб	Аль-Шабаб[d]
Нумар	10
Клюбы
Гады	Клюб	Гульні (галы)¹
2012—2015	Манака	81 (15)
2015—2018	Атлетыка Мадрыд	81 (17)
2018—2020	Далянь Прафэшнал[d]	50 (24)
2020	→ Атлетыка Мадрыд	15 (1)
2020—2023	Атлетыка Мадрыд	102 (19)
2023—4	Аль-Шабаб[d]	40 (9)
Зборныя
2008	Бэльгія (да 15)[d]	1 (0)
2010	Бэльгія (да 17)[d]	2 (0)
2010—2011	Бэльгія (да 18)[d]	9 (1)
2011—2012	Бэльгія (да 19)[d]	12 (3)
2013—2014	Бэльгія (да 21)[d]	11 (1)
2015—4	Бэльгія	78 (11)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 26 траўня 2025.

Біяграфія

Янік Фэрэйра Караска нарадзіўся ў горадзе Іксэль^[3]. Прафэсійную футбольную кар’еру пачаў у клюбе «Манака», гуляў на пазыцыі нападніка^[4]. Ужо ў першым для сябе сэзоне 2013—2014 гадоў у 19-гадовым узросьце яго клікалі вундэркіндам. У 2 туры гэтага сэзону ён трапіў у зборную тура^[5]. За першыя два сэоны з «Манака» правёў 45 матчаў, забіў 9 галоў і зрабіў 3 галявыя пасы. У жніўні 2014 году працягнуў кантракт з «Манака» тэрмінам на пяць гадоў^[6]. У сакавіку 2015 году ў матчы чэмпіянату Францыі з Эвіянам атрымаў траўму галетастопа і вымушаны быў пакінуць поле пасьля сутыкненьня з Ардыенам Тамасанам^[7]. У пачатку жніўня 2015 году перайшоў у «Атлетыка Мадрыд» за 15 мільёнаў эўра^[8]. У лютым 2018 году зьехаў з Мадрыда ў Кітай, каб выступаць за клюб «Далянь Іфан»^[9]. 1 студзеня 2020 году ў чэмпіянаце Кітая быў аб'яўлены ліміт заробкаў для легіянэраў (ня больш з 3 мільёны даляраў у год), пасьля чаго Янік перайшоў у «Атлетыка» на правах арэнды^[10].

Дасягненьні

«Атлетыка»:

• Чэмпіён Гішпаніі: 2021
• Пераможца Лігі Эўропы: 2018