10-я армія (Нямецкая імпэрыя)

10-я армія (па-нямецку: 10. Armee / Armeeoberkommando 10 / A.O.K. 10) — вайсковае аб’яднаньне армейскага ўзроўню імпэрскай Нямецкай арміі падчас Першай сусьветнай вайны. Удзельнічала толькі ў баявых дзеяньнях на Ўсходнім фронце (1915—1919).

10-я армія
10. Armee
Сьцяг штабу арміі (1871—1918)
Гады існаваньня	1915—1919
Краіна	Нямеччына
Падпарадкаваньне	Генэральны штаб Нямецкай імпэрыі
Уваходзіць у	Райхсгэер
Тып	Пяхота
Функцыя	Палявая армія
Удзел у	Першая сусьветная вайна Зімовая Мазурская бітва Нарачанская апэрацыя
Вядомыя камандзіры	Гэрман фон Айхгорн Эрых фон Фалькенгайн

Мінуўшчына

Была сфармаваная 26 студзеня 1915 року ў Кёльне. Пасьля перадысьлякацыі на Ўсходні фронт узяла ўдзел у другой бітве на Мазурскіх азёрах (9—22 лютага 1915), у наступе на расейцаў улетку-ўвосені, пасьля адбіла расейскі наступ на возеры Нарач у сакавіку 1916 року.

У ліпені 1916 року ўвайшла ў склад групы арміяў Айхгорна. Пасьля бальшавіцкага перавароту ў Расеі і спыненьня баявых дзеяньняў большасьць нямецкіх сілаў была перакінутая на Заходні фронт, а 10-я армія ў складзе некалькіх дывізіяў акупавала тэрыторыю сучаснай Беларусі ад летувіскай мяжы да паўночнай Украіны. Штаб 10-й арміі, якія першапачаткова знаходзіўся ў Марграбаве (6 сакавіка — 8 жніўня 1915), пасьля ў Вільні (29 верасьня 1915 — 12 чэрвеня 1918), разьмясьціўся ў Менску. Армія заставалася на акупаваных тэрыторыях Польшчы й Беларусі да пачатку 1919 року, пакуль не была выведзеная ў Нямеччыну і расфармаваная^[1].

Выдавала газэту «Zeitung der 10. Armee» (бел. Газэта 10-й арміі)^[2][3].

Камандуючыя

Сьпіс камандуючых 10-й арміі^[4]

Пачатак тэрміну	Камандуючы	Папярэдняя пасада	Наступная пасада
26 студзеня 1915	Генэрал-палкоўнік Гэрман фон Айхгорн	Інспэктарат VII арміі (VII. Armee-Inspektion)	Група арміяў Айхгорна адначасна з 30 ліпеня 1916
18 сьнежня 1917	Генэрал-фэльдмаршал Герман фон Айхгорн
5 сакавіка 1918	Генэрал ад інфантэрыі Эрых фон Фалькенгайн	Група арміяў F	У адстаўцы

Глядзіце таксама

• 10-я армія (Трэці райх)
• Вялікае адступленьне