Камэлінакветныя

Камэлінакветныя (Commelinales) — парадак кветкавых (Angiosperms) расьлінаў, які зьмяшчае 5 сямействаў (Commelinaceae, Haemodoraceae, Hanguanaceae, Philydraceae, Pontederiaceae), 68 родаў і больш за 800 відаў. Насяляюць, у асноўным, тропікі, менш відаў — ва ўмераных шыротах^[1].

Камэлінакветныя
Commelina communis — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Аднадольныя (Monocots)
Падкляса	Камэлініды (Commelinids)
Атрад	Камэлінакветныя
Бінамінальная намэнклятура
Commelinales Mirb. ex Bercht. & J.Presl
Камэлінакветныя на Віківідах  Камэлінакветныя ў Вікісховішчы ITIS 39093 ·

Расьліны ў парадку разнастайныя, звычайна дробныя або буйныя травы, звычайна карэнішчавыя. Лісьце заўсёды цэлае. Кветкі разнастайныя — яны могуць быць аднаполымі, двухполымі, актынаморфнымі (радыяльна сымэтрычныя) або зігаморфнымі (двухбакова сымэтрычныя), зь яркімі пялёсткамі і вялікай разнастайнасьцю будовы і арганізацыі пялёсткаў і чашалісьцікаў. Многія прадстаўнікі — водныя расьліны^[1].