Лохавыя

Лохавыя (Elaeagnaceae) — сямейства кветкавых расьлінаў, якое зьмяшчае 3 роды і каля 60 відаў^[1] або каля 98 відаў^[2].

Лохавыя
Elaeagnus angustifolia — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Двухдольныя (Eudicots)
Атрад	Ружакветныя (Rosales)
Сямейства	Лохавыя
Бінамінальная намэнклятура
Elaeagnaceae Juss.
Лохавыя на Віківідах  Лохавыя ў Вікісховішчы ITIS 27768 ·

Апісаньне

Прадстаўнікі гэтага сямейства — хмызьнякі або дрэвы, вечназялёныя або лісьцеападныя. Уся расьліна густа ўкрыта лускавата-зорчатым адзеньнем, што часта дае яму шараваты ці серабрысты выгляд. Лісьце без прылісткаў з цэлымі палямі, супротыўнае, чарговае або ў кольцах. Сухі плод акружаны мясістым гіпантыем і таму вельмі падобны на ягаду ці касьцянку. Кветкі адзіночныя альбо ў кароткіх суквецьцях. Пялёсткі адсутнічаюць. Тычачак 4–8. Насеньне 1 на плод^[3][4].

Арэал

Распаўсюджваньне: Паўночная Амэрыка (ЗША і Канада), Эўразія, Малэзія, паўночна-ўсходняя Аўстралія — умераныя і трапічныя рэгіёны; таксама даволі шырока культывуецца^[2][3][4].