Google Videos

«Відэа Гугла» (анг. Google Video) — бескаштоўны відэагостынг і пошукавы рухавік ад «Гугла», які распачаў працу 25 студзеня 2005 году^[1].

«Відэа Гугла»
Тып	відэагостынг
Даступныя мовы	беларуская і іншыя
Уладальнік	«Гугл» (ЗША)
Аўтар	«Гугл» (ЗША)
Пачатак працы	25 студзеня 2005 (20 гадоў таму)
Камэрцыйны?	так
Рэгістрацыя	непатрэбная
Актуальны стан	дзейны
Ліцэнзія	бескаштоўнае апраграмаваньне[d]
google.com/videohp

Відэакліпы можна дадаць на старонку пры дапамозе адмысловага HTML-коду (як і на «Ютубе»). Гэтак шмат сайтаў могуць вырашыць праблему з бракам месца і сеціўных каналаў для сваіх відэафайлаў.

9 кастрычніка 2006 году «Гугл» набыў «Ютуб», а 13 чэрвеня 2007 было абвешчана пра інтэграцыю пошукавых вынікаў зь «Ютуба» на «Відэа Гугла». Таксама стаў даступным пошук відэа па іншых гостынгах^[2]. Прагляд вынікаў пошуку выглядае падобна Google Images: угары зьяўляецца палічка са спасылкамі, а ніжэй — старонка, на якой знаходзіцца відэафайл.

У 2009 годзе «Гугл» скасаваў магчымасьць загружаць у сэрвіс відэа, прапанаваўшы карыстальнікам перайсьці да «Ютуб»^[3].