Heckler & Koch MP5

HK MP5 (Maschinenpistole 5 — пісталет-кулямёт 5) — адзін з найбольш папулярных пісталетаў-кулямётаў пасьляваеннага часу. Пачаў паступаць на ўзбраеньне Бундэсвэру і праваахоўных органаў Нямеччыны ў 1961 годзе, хутка здабыўшы сусьветную папулярнасьць. Знаходзіўся на ўзбраеньні шматлікіх краінаў, у тым ліку ЗША.

HK MP5
HK MP5
Тып	пісталет-кулямёт
Краіна паходжаньня	Нямеччына
Гісторыя вытворчасьці
Канструктар	Тыля Мёлер, Манфрэд Гурынг, Георг Зайдль, Гэльмут Баўройтэр
Дата стварэньня	1964 год
Вытворца	Heckler & Koch
Мадыфікацыі	MP5K, MP5K-PDW, MP5SD, MP5N, MP5/F, MP5/10, MP5/40
Характарыстыкі
Вага	2,55 кг
Патрон	9x19мм Парабэлум
Прынцып дзеяньня	паўвольная закрытая засаўка
Прыцэльная далёкасьць	100 м
Від боясілкаваньня	здымны набойнік на 15 ці 30 патронаў
Прыцэл	адчынены дыяптрычны

У адрозьненьне ад большасьці канкурэнтаў, мае мэханічную структуру з напаўвольным затворам і парай ролікаў яго запавольваючых (як у штурмавой вінтоўцы HK G3). Рэжымы агню — адзінкавы і аўтаматычны, некаторыя мадэфікацыі дазваляюць весьці агонь чэргамі па 3-ы патроны. Агонь вядзецца з зачыненага затвора, што забясьпечвае добрую кучнасьць стральбы. Прыцэл дыяптрычны, магчымая ўсталёўка аптычных і каліматарных прыцэлаў, ЛМУ, тактычных ліхтароў. У пісталетаў-кулямётаў раньняга выпуску цаўё было мэталічнае, рыфлёнае, з пэрфарацыяй; у новых выпусках цаўё плястыкавае, гладкае. Першапачаткова магазыны былі ражковыя прамыя, пазьней сталі ўжываць ражковыя выгнутыя магазыны (забясьпечваюць больш надзейную падачу патронаў).

Вартасьці

• Высокія дульная энэргія, спыняючае і прабіўное дзеяньне кулі.
• Дзяржальня мае ўдалыя нахіл і форму, дазваляючы надзейна ўтрымліваць ПК. Размяшчэньне сьцяжка засьцерагальніка і рэжыму агню зблізку яе, дазваляе зручна яго перамыкаць, не саслабляючы хватку рукаяці.
• Магчымасьць выкарыстаньня прыцэлаў розных тыпаў, глушыцеля і баявога ліхтара пашырае магчымасці ПК
• Фасфатырваннае пакрыццё дэталяў робіць зброю ўстойлівай да неспрыяльных вонкавых умоваў.
• ПК лёгка разбіраецца для чысткі і змазкі.
• Высокая надзейнасць.

Недахопы

• Адносна высокі тэмп стральбы, што вядзе да расьсейваньня куль пры стральбе зь няўстойлівых становішчаў.
• Малая ўдаратрываласьць. Пры выпадковым падзеньні магчыма пашкоджаньне барабаннага прыцэла.
• Адчувальнасьць да забруджваньня.
• Меней пераважная для пісталетаў-кулямётаў стральба зь пярэдняга шаптала, што вядзе да дваяцэнтрыю трапленьняў пры аўтаматычным агні.

Мадэфікацыі

Від праз дыяптрычны прыцэл у HK MP5

• МР5А1 — без прыклада;
• МР5А2 — са сталым прыкладам з плястыка;
• МР5А3 — з рассоўным мэталічным прыкладам;
• MP5SD1, SD2 і SD3 — мадэлі з інтэграваным глушыцелем і прыкладамі аналягічна мадэлям А1-А3;
• MP5N — варыянт для ВМС ЗША з двухбаковым засьцерагальнікам-перакладнікам рэжымаў агню і дадатковым рэжымам стральбы з адсечкай па 3 патрона;
• MP5/10 — варыянт пад патрон 10 мм Auto (вонкава адрозьніваецца прамым магазынам з празрыстага плястыка), выпушчаны абмежаванай сэрыяй для ФБР ЗША;
• МР5/40 — пад патрон .40 S&W (10мм), магазын вонкава аналягічны магазынам ад МР5/10.

У цяперашні час выпуск мадэляў 5/10 і 5/40 спынены ў сувязі з выпускам новага пісталет-кулямёта UMP калібра .40SW і .45ACP (HK UMP)

HK MP5 у кампутарных гульнях

• Counter Strike
• S.T.A.L.K.E.R.

Вонкавыя спасылкі

Heckler & Koch MP5 — сховішча мультымэдыйных матэрыялаў

• www.gewehr.ru