Pong (гульня)

Pong — відэагульня, якая зьяўляецца сваеасаблівым сымулятарам настольнага тэнісу з прымітыўнай двумернай графікай. Галоўная мэта гульні — перамагчы другога гульца: кампутар ці чалавека — набраўшы большы за яго лік.

Гульнявы працэс: дзьвума ракеткамі мячык перакідваецца з аднаго боку да другога. Уверсе — лік гульні

Pong была выдадзена кампаніяй Atari 29 лістапада 1972 году і стала першай шырокавядомай гульнёй, якая атрымала вялікі распаўсюд як на гульнявых аўтаматах, гэтак і на кансолях. Посьпех гульні натхніў Atari на разробку гульні Breakout у 1976 годзе, а потым і Taito — на стварэньне Arkanoid у 1986, што дало пачатак новаму жанру аркадных відэагульняў — арканоід.

Гульнявы працэс

Pong зьяўляецца двумернай спартыўнай гульнёй-сымулятарам настольнага тэнісу. Гулец кіруе вэртыкальна сваёй плятформай-ракеткай, з дапамогай якой ён адбівае мячык. Ад верхняй і ніжняй мяжы поля мячык адскоквае пад тым самым кутом, пад якім і трапіў на мяжу. Галоўнае — абараніць сваю мяжу (зь левага ці правага боку), каб мячык ня трапіў па-за ракетку. Калі мячык трапіў за ракетку гульца, лік апанэнта павялічваецца на адзінку. Выйграе той, у каго будзе большы лік напрыканцы.^[1][2][3]

Гісторыя

Home Pong вытворчасьці 1975 году, рэалізаваны праз гандлёвую сетку Sears

Pong была першай гульнёй, якую разрабіла кампанія Atari, Inc., заснаваная ў 1972 годзе Ноланам Бушнэлам і Тэдам Дэбні.^[4][5]

Пасьля выпуску Computer Space Бушнэл вырашыў стварыць кампанію, якая б стварала больш гульняў. Першы кантракт быў заключаны з Bally Technologies для стварэньня гоначнае гульні.^[3]

Хатняя вэрсія: «Home Pong»

Посьпех аркаднай вэрсіі прымусіў кампанію ствараць новыя прадукты.^[4] У 1974 годзе інжынэр Atari Гараль Лі стварыў хатнюю вэрсію гульні, якая падключалася да тэлевізара: Home Pong. Кодавая назва разрбокі была «Darlene» (паводле адной з супрацоўніц кампаніі).

Кантролер, які быў распрацаваны, уяўляў сабою прыладу, прыстасаваную да падстаўкі.