![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/%25D0%2593%25D0%25B5%25D1%2580%25D0%25B1_%25D0%2592%25D0%25BE%25D0%25BB%25D0%25B8%25D0%25BD%25D1%2581%25D1%258C%25D0%25BA%25D0%25BE%25D1%2597_%25D0%25B7%25D0%25B5%25D0%25BC%25D0%25BB%25D1%2596_1313.png/640px-%25D0%2593%25D0%25B5%25D1%2580%25D0%25B1_%25D0%2592%25D0%25BE%25D0%25BB%25D0%25B8%25D0%25BD%25D1%2581%25D1%258C%25D0%25BA%25D0%25BE%25D1%2597_%25D0%25B7%25D0%25B5%25D0%25BC%25D0%25BB%25D1%2596_1313.png&w=640&q=50)
Уладзімера-Валынскае княства
From Wikipedia, the free encyclopedia
Уладзімера-Валынскае княства — старажытнарускае княства ў басэйне верхняга і сярэдняга цячэньня Заходняга Буга і правых прытокаў Прыпяці. Сталіца — Уладзімер.
![Thumb image](http://upload.wikimedia.org/wikipedia/commons/thumb/e/ee/%D0%93%D0%B5%D1%80%D0%B1_%D0%92%D0%BE%D0%BB%D0%B8%D0%BD%D1%81%D1%8C%D0%BA%D0%BE%D1%97_%D0%B7%D0%B5%D0%BC%D0%BB%D1%96_1313.png/640px-%D0%93%D0%B5%D1%80%D0%B1_%D0%92%D0%BE%D0%BB%D0%B8%D0%BD%D1%81%D1%8C%D0%BA%D0%BE%D1%97_%D0%B7%D0%B5%D0%BC%D0%BB%D1%96_1313.png)
Узьнікла напрыканцы X стагодзьдзя на землях валынян, бужан і дулебаў. Першы князь — Усевалад Уладзімеравіч, сын Уладзімера Святаслававіча. На Любецкім зьезьдзе (1097) Уладзімера-Валынскае княства атрымаў Давыд Ігаравіч, пастановай Віцічаўскага зьезду (1100 год) яно аддадзена Сьвятаполку Ізяславічу. У 1118 захоплена Уладзімерам Манамахам, які пасадзіў там княжыць свайго сына Андрэя (да 1134 году). У 1134—54 гадах князем быў Ізяслаў Мсьціславіч. У 1-й палове XII стагодзьдзя ў залежнасьць ад Уладзімера-Валынскае княства трапіла Гарадзенскае княства, у другой пал. XII ст. — турава-пінскія князі, у склад княства ўвайшла Берасьцейская зямля. Найбольш магутнасьці дасягнула пры Рамане Мсьціславічу, які ў барацьбе з буйнымі фэадаламі Валыні ўмацаваў княжацкую ўладу, у 1199 заваяваў галіцкія землі, у выніку ўтварылася Галіцка-Валынскае княства.