![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/66/Litva._%25D0%259B%25D1%2596%25D1%2582%25D0%25B2%25D0%25B0_%25281009%2529.jpg/640px-Litva._%25D0%259B%25D1%2596%25D1%2582%25D0%25B2%25D0%25B0_%25281009%2529.jpg&w=640&q=50)
Літва
From Wikipedia, the free encyclopedia
Літва (Літва ў вузкім сэнсе, уласна Літва, гістарычная Літва[1]) — гістарычная краіна, якая аб’ядноўвае захад Беларусі і паўднёвы ўсход Летувы. Паводле традыцыйнай вэрсіі, тапонім Літва прымяркоўваць да тэрыторыяў Ашмяншчыны, Віленшчыны, Лідчыны і часткі Троччыны, аднак на падставе аналізу шматлікіх летапісных крыніцаў і зьвестак тапанімікі[2] яго пашыраюць на Браслаўшчыну, Вількаміршчыну, Ваўкавышчыну, Слонімшчыну, большую частку Наваградчыны, а таксама часткі Гарадзеншчыны, Ковеншчыны і Меншчыны[3]. У пэўны час Літва пачала выступаць як адна з гістарычных назваў усёй тэрыторыі сучаснай Беларусі[4][5].
- Ня варта блытаць зь Летувой.
- Гэтая назва мае некалькі сэнсаў. Калі вас цікавяць іншыя сэнсы, глядзіце таксама Літва (неадназначнасьць).
![Thumb image](http://upload.wikimedia.org/wikipedia/commons/thumb/6/66/Litva._%D0%9B%D1%96%D1%82%D0%B2%D0%B0_%281009%29.jpg/640px-Litva._%D0%9B%D1%96%D1%82%D0%B2%D0%B0_%281009%29.jpg)
Сучасныя дасьледнікі мяркуюць, што ад пачатку Літва была тэрыторыяй з гістарычна мяшаным балтыйска-славянскім насельніцтвам[6], дзе ў XIII стагодзьдзі ўтварылася Вялікае Княства Літоўскае. Гэта быў галоўны цэнтральны рэгіён дзяржавы[1], які ў XIII—XVIII стагодзьдзях праз працэс балтыйска-славянскіх кантактаў набыў пераважна беларускі этнічны характар[7]. Ад назвы Літвы паходзіць гістарычная саманазва беларусаў — ліцьвіны[8].