From Wikipedia, the free encyclopedia
Герб Беліза быў прыняты пасля набыцця незалежнасці, і толькі трохі адрозніваецца ад ранейшага герба, калі Беліз быў брытанскай калоніяй.
Круглая мяжа герба сфарміравана дваццаццю пяццю лісцінкамі. У межах гэтага кола намалявана чырвонае дрэва з каштоўнейшай драўнінай, спераду — шчыт. Першымі еўрапейцамі на тэрыторыі Беліза сталі гандляры чырвоным дрэвам. На шчыце намаляваныя інструменты дрывасекаў — вясло (лес для экспарту сплаўляўся па рэках; самі ж дрывасекі падымаліся ўверх па рэках ў пошуках не высечаных яшчэ масіваў чырвонага дрэва), сякеры рознай формы і піла.
У ніжняй частцы шчыта — паруснае судна (бо вялікая частка чырвонага дрэва вывозілася па моры ў Вялікабрытанію — для вырабу мэблі, а таксама для тэкстыльнай прамысловасці).
Трымальнікі шчыта — два дрывасекі. Адзін з іх са светлай, другі з цёмнай скурай: індзейская (метысы) і негрыцянская (мулаты) складнікі насельніцтва. Левы трымальнік трымае сякеру, правы — вясло.
Герб прадстаўлены ў цэнтры нацыянальнага сцяга.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.