![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d2/Donets_Ridge_on_the_Map_of_Ukraine_%2528English%2529.jpg/640px-Donets_Ridge_on_the_Map_of_Ukraine_%2528English%2529.jpg&w=640&q=50)
Данецкі краж
From Wikipedia, the free encyclopedia
Данецкі краж — узвышша на поўдні Усходне-Еўрапейскай раўніны, на мяжы Украіны і Расіі.
![Thumb image](http://upload.wikimedia.org/wikipedia/commons/thumb/d/d2/Donets_Ridge_on_the_Map_of_Ukraine_%28English%29.jpg/640px-Donets_Ridge_on_the_Map_of_Ukraine_%28English%29.jpg)
Працягласць каля 370 км, шырыня 160 км. Сярэдняя вышыня ад 200 да 300 метраў, найвышэйшы пункт — Магіла-Мячэтная, 367 метраў над узроўнем мора (г. Пятроўскае, Луганская вобласць).
Складзены пераважна з пясчанікаў, вапнякоў і сланцаў, з якімі звязаны радовішчы каменнага вугалю (гл. Данецкі вугальны басейн), поліметалічных руд, будматэрыялаў, хімічнай сыравіны.
Для рэльефу характэрна спалучэнне хвалістых міжрэччаў і глыбока ўрэзаных (да 150 м) рачных далін. Ярыстая эрозія, трапляецца карставы рэльеф.
Клімат умерана кантынентальны. Сярэдняя тэмпература студзеня ад -6 да -8 °С, ліпеня 21—22 °С. Ападкаў 400—500 мм за год. Захаваліся ўчасткі шыракалістых лясоў (дуб, ясень, клён) і стэпаў.
![Thumb image](http://upload.wikimedia.org/wikipedia/commons/thumb/2/23/%D0%9F%D1%80%D0%B8%D0%BC%D0%B5%D1%80_3..jpg/640px-%D0%9F%D1%80%D0%B8%D0%BC%D0%B5%D1%80_3..jpg)