Сароцкі сельсавет (Любанскі раён)
адміністрацыйна-тэрытарыяльная адзінка ў Любанскім раёне Мінскай вобласці Беларусі / From Wikipedia, the free encyclopedia
Саро́цкі сельсавет — адміністрацыйна-тэрытарыяльная адзінка ў складзе Любанскага раёна Мінскай вобласці. Цэнтр сельсавета — аграгарадок (да 2008 г. вёска) Сарачы.
Сароцкі сельсавет | |
---|---|
Краіна | Беларусь |
Уваходзіць у | Любанскі раён |
Уключае | 15 населеных пунктаў |
Адміністрацыйны цэнтр | Сарачы |
Дата ўтварэння | 20 жніўня 1924 |
Насельніцтва (2019) | 2 803 |
Часавы пояс | UTC+03:00 |
Код аўтам. нумароў | 5 |
Утвораны 20 жніўня 1924 года як Рэдкавіцкі сельсавет у складзе Любанскага раёна Слуцкай акругі БССР. Цэнтр — вёска Рэдкавічы. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Любанскім раёне БССР. З 21 чэрвеня 1935 года ў Любанскім раёне Слуцкай акругі. Пасля ўвядзення абласнога падзелу 20 лютага 1938 года ў Любанскім раёне Мінскай вобласці, з 20 верасня 1944 года — Бабруйскай вобласці, з 8 студзеня 1954 года — Мінскай вобласці. 28 лютага 1974 года цэнтр сельсавета перанесены ў вёску Сарачы, сельсавет перайменаваны ў Сароцкі[1].
28 мая 2013 года межы сельсавета былі пашыраныя ў выніку далучэння да яго тэрыторыі часткі скасаванага Ляхаўскага сельсавета з наступнымі населенымі пунктамі: Аляксандраўка, Горбач, Запалле, Лісцёнка, Новыя Юрковічы, Сялец, Старыя Юрковічы[2].
Насельніцтва сельсавета паводле перапісу 2009 года (8 населеных пунктаў) — 2862 чалавек[3], з іх 97,5 % — беларусы, 1,3 % — рускія[4]; паводле перапісу 2019 года (15 населеных пунктаў) — 2803 чалавекі[5].