Іван Аляксеевіч Корж

Іван Аляксеевіч Корж (нар. 21 снежня 1961(1961-12-21), Навасёлкі, Гомельская вобласць) — беларускі ваенны і палітык. Генерал-маёр.

Іван Аляксеевіч Корж
Нараджэнне	21 снежня 1961(1961-12-21) (63 гады) Навасёлкі, Петрыкаў, Петрыкаўскі раён, Гомельская вобласць, Беларуская ССР, СССР
Адукацыя	БелДУТ Акадэмія Федэральнай службы бяспекі Расіі[d]
Месца працы	Камітэт дзяржаўнай бяспекі Рэспублікі Беларусь
Ваенная служба
Званне	Генерал-маёр
Узнагароды

У Вікіпедыі ёсць артыкулы пра іншых людзей з прозвішчам Корж.

Біяграфія

Нарадзіўся ў 1961 годзе ў в. Навасёлкі (Петрыкаўскі раён).

Скончыў з адзнакай факультэт кіравання працэсамі перавозак Беларускага інстытута інжынераў чыгуначнага транспарту, контрразведвальны факультэт Вышэйшай школы Міністэрства бяспекі Расійскай Федэрацыі імя Ф. Э. Дзяржынскага (г. Масква).

Працаваў дзяжурным па станцыі, манеўровым дыспетчарам, намеснікам начальніка па аператыўнай рабоце станцыі Віцебск Беларускай чыгункі. Праходзіў службу ў органах дзяржаўнай бяспекі Рэспублікі Беларусь на пасадах афiцэрскага складу ва ўпраўленні Камітэта дзяржаўнай бяспекі Рэспублікі Беларусь па Віцебскай вобласці  (бел. (тар.)), намесніка начальніка, начальніка ўпраўлення Камітэта дзяржаўнай бяспекі Рэспублікі Беларусь па Гомельскай вобласці  (бел. (тар.)), начальніка ўпраўлення Камітэта дзяржаўнай бяспекі Рэспублікі Беларусь па Гродзенскай вобласці  (бел. (тар.)).

Пасля прэзідэнцкіх выбараў 2010 года, 2 лютага 2011 года быў унесены ў Чорны спіс Еўрасаюза^[1]. Рашэннем Савета Еўрапейскага саюза ад 15 кастрычніка 2012 года Корж як начальнік упраўлення Камітэта дзяржаўнай бяспекі Рэспублікі Беларусь па Гродзенскай вобласці  (бел. (тар.)) быў прызначаны адказным за рэпрэсіі КДБ супраць дэмакратычнай апазіцыі і грамадзянскай супольнасці на Гродзеншчыне^[2].

З мая 2014 года па лістапад 2016 года з'яўляўся начальнікам дзяржаўнай установы адукацыі «Інстытут нацыянальнай бяспекі Рэспублікі Беларусь». 

Стаў дэпутатам Палаты прадстаўнікоў Нацыянальнага сходу Рэспублікі Беларусь 6-га склікання ў 2016 годзе.

Памёр у 2024 годзе.

Узнагароды

Узнагароджаны ордэнам «За службу Радзіме» III ступені, медалямі «За бездакорную службу» I, II і III ступені, «За адзнаку ў воінскай службе», нагрудным знакам «Ганаровы супрацоўнік КДБ», ведамаснымі ўзнагародамі^[3].