Іван Васільевіч Цітавец

Іван Васільевіч Цітавец (нар. 7 кастрычніка 1936, в. Вялікі Вязок, Крупскі раён, Мінская вобласць) — беларускі літаратар, паэт-песеннік.

Іван Васільевіч Цітавец
Асабістыя звесткі
Дата нараджэння	7 кастрычніка 1936(1936-10-07) (89 гадоў)
Месца нараджэння	Вялікі Вязок, Ухвальскі сельсавет, Крупскі раён, Беларуская ССР, СССР
Альма-матар	Беларускі дзяржаўны тэхналагічны ўніверсітэт
Прафесійная дзейнасць
Род дзейнасці	літаратар, паэт-песеннік
Грамадская дзейнасць
Член у	Саюз пісьменнікаў Беларусі
Прэміі	Залаты купідон

У Вікіпедыі ёсць артыкулы пра іншых людзей з прозвішчам Цітавец.

Біяграфія

Нарадзіўся ў вёсцы Вялікі Вязок Крупскага раёна Мінскай вобласці ў мнагадзетнай сялянскай сям’і. Працоўную дзейнасць пачаў пасля заканчэння сямігодкі. Скончыў Маскоўскі індустрыяльна-педагагічны тэхнікум і Беларускі тэхналагічны інстытут. Па адукацыі — інжынер-механік. Працаваў на будоўлях, заводах і амаль 30 гадоў — педагогам. Жыве ў Мінску.

Член Саюза пісьменнікаў Беларусі.

Творчасць

Выдаў кнігі «Дзіўная старана» і «Сполохи», а таксама зборнік песень «Ёсць любоў у мяне…». Творы на яго вершы выконваюць народны хор Цітовіча, калектывы «Церніца», «Вербніца», «Бяседа», ансамбль «Свята»^[1]. Шэраг песень на вершы Івана Цітаўца напісаў кампазітар Мікалай Яцкоў.

Зноскі

1. Ілона Бутоўская. Паэт-песеннік Іван Цітавец адзначае 75-годдзе (нявызн.). Белтэлерадыёкампанія (1 сакавіка 2011). Праверана 9 сакавіка 2013.(недаступная спасылка)