Іван Грынькавіч Валовіч

У Вікіпедыі ёсць артыкулы пра іншых людзей з прозвішчам Валовіч.

Іван (Івашка) Грынькавіч (Грышкавіч) Валовіч (? — да 18 красавіка 1555^[6]) — вялікалітоўскі шляхціч. Канюшы троцкі (1536—1547)^[7].

Іван Грынькавіч Валовіч
канюшы троцкі[d] 1536 — 1547
дваранін гаспадарскі[d] 1523 — 1527
Смерць	не раней за 1547 і не пазней за 18 красавіка 1555
Род	Валовічы
Бацька	Грынька Ходкавіч Валовіч[1]
Маці	НН[d][1]
Жонка	Філея Паўлаўна[d][2][3]
Дзеці	Беняш Іванавіч Валовіч[d][2], Іван Іванавіч Валовіч[d][2] і Раіна з Валовічаў[d][4]
Бітвы	Літоўска-маскоўская вайна 1534—1537 гадоў[5]

Паходзіў з роду Валовічаў герба «Багорыя», сын гарадзенскага гараднічага Грынькі Ходкавіча Валовіча і яго першай невядомай з імя жонкі^[7].

У 1523—1527 гадах згадваецца як гаспадарскі дваранін^[8], у 1525 годзе — як падскарбі дворны^[8] (гаспадарскі^[9]). Удзельнічаў у вайне з Маскоўскай дзяржавай 1534—1537 гадоў^[8].

Быў жанаты з Філеяй Паўлаўнай, дачкой цівуна юрбарскага Пашкі^[6]. Меў з ёй двух сыноў і дачку^[10]:

• Беняш (Багдан) (? — да 1583), маршалак гаспадарскі^[11]
• Іван (?—1582), маршалак гаспадарскі і маршалак гарадзенскі^[12]
• Раіна, замужам за Астафеем Халецкім^[13]

Іван стаў пачынальнікам так званай «біскупскай» галіны Валовічаў^[8] (назвай так ад унука Івана Грынькавіча, віленскага біскупа Яўстаха Валовіча), якая згасла ў XVII стагоддзі.