Іван Дзмітрыевіч Сіраж

Іван Дзмітрыевіч Сіраж (5 ліпеня 1933, в. Астрагляды, Брагінскі раён, Гомельская вобласць — ?) — заслужаны механізатар рэспублікі, Герой Сацыялістычнай Працы (1966).

Іван Дзмітрыевіч Сіраж
Дата нараджэння	5 ліпеня 1933(1933-07-05) (92 гады)
Месца нараджэння	Астрагляды, Астраглядаўскі сельсавет, Брагінскі раён, Беларуская ССР, СССР
Грамадзянства	СССР
Узнагароды і прэміі

Біяграфія

Нарадзіўся ў сям’і калгаснікаў. Пасля вайны атрымаў адукацыю ў Астраглядаўскай няпоўнай сярэдняй школе. Рана пачаў працоўную дзейнасць: з 1949 года — на паляводчых работах у мясцовым саўгасе.

Пасля службы ў арміі ўладкаваўся рознарабочым на Рэчыцкі мэблевы камбінат, але з цягам часу, у 1956 годзе, вярнуўся ў сельскую гаспадарку. Набыў прафесію трактарыста-машыніста і застаўся на малой радзіме ў саўгасе «Астрагляды». Працаваў у саўгасе «Астрагляды» механізатарам да яго ліквідацыі ў 1986 годзе ў выніку чарнобыльскай катастрофы.

Выбіраўся дэпутатам Вярхоўнага Савета СССР у 1970—1974 гадоў. Неаднаразова быў дэпутатам раённага і сельскага Саветаў.

Узнагароды

Указам Прэзідыума Вярхоўнага Савета СССР ад 22 сакавіка 1966 года за дасягнутыя поспехі ў развіцці жывёлагадоўлі, павелічэнні вытворчасці і нарыхтовак мяса, малака, яек, шэрсці і іншай прадукцыі Івану Сіражу прысвоена званне Героя Сацыялістычнай працы.

Зноскі