Ігар Васілевіч Сямека

Ігар Васілевіч Сяме́ка^[1] (нар. 20 лютага 1961, Гомель — 2006^[2]) — беларускі мастак, графік.

Ігар Васілевіч Сямека
Дата нараджэння	20 лютага 1961(1961-02-20) (64 гады)
Месца нараджэння	Гомель, Гомельская вобласць, Беларуская ССР, СССР
Грамадзянства	СССР  Беларусь
Род дзейнасці	мастак
Вучоба	Беларуская дзяржаўная акадэмія мастацтваў Мінскі дзяржаўны мастацкі каледж імя А. К. Глебава
Член у	Беларускі саюз мастакоў

Біяграфія

Скончыў Мінскае мастацкае вучылішча і Беларускі дзяржаўны тэатральна-мастацкі інстытут (1986^[1]). Актыўна працаваў у галіне манументальнага мастацтва і станковага жывапісу. На адным з будынкаў на вуліцы Камунараў зрабіў роспісу «850 гадоў Гомелю».

Мастак таксама захапляецца пейзажам, тут ён выступае і як жывапісец і як графік. Значную цікавасць уяўляе цыкл работ «Родная Гомельшчына» і графічная серыя пра сталіцу Беларусі («Мінск святочны», «Траецкае прадмесце», «Плошча Перамогі», выкананая ў 1997 годзе.

У 1992—1995 гадах І. Сямека працаваў галоўным мастаком Гомеля, быў кіраўніком праўлення Гомельскай абласной арганізацыі Беларускага саюза мастакоў (1995—1998).

Зноскі

1. БелЭн 2002.
2. Единый реестр профессиональных художников Российской империи, СССР, «русского зарубежья», Российской Федерации и республик бывшего Советского Союза (XVIII—XXI вв.) (руск.)