Ігар Генадзевіч Ласіцкі

Ігар Генадзевіч Ласіцкі — беларускі ўрач-педыятр і арганізатар аховы здароўя^[2].

Ігар Генадзевіч Ласіцкі
намеснік міністра аховы здароўя Рэспублікі Беларусь[d] сакавік 2013 — 20 ліпеня 2018
Нараджэнне	27 лютага 1967(1967-02-27)[1] (58 гадоў)
Адукацыя	педыятрычны факультэт БДМУ
Месца працы	Брэсцкая абласная клінічная бальніца[d] Брэсцкая дзіцячая абласная бальніца

У Вікіпедыі ёсць артыкулы пра іншых людзей з прозвішчам Ласіцкі.

Біяграфія

Скончыў педыятрычны факультэт Мінскага медуніверсітэта. Па размеркаванні працаваў участковым педыятрам, пазней працаваў у аддзяленні рэанімацыі і анестэзіялогіі Брэсцкай абласной бальніцы. У 2001—2008 — галоўны ўрач Брэсцкай дзіцячай абласной бальніцы^[2].

У 2008—2013 гадах — начальнік Брэсцкага абласнога ўпраўлення аховы здароўя^[2].

У сакавіку 2013 года быў прызначаны намеснікам міністра аховы здароўя. Курыраваў будаўніцтва, рэканструкцыю і развіццё матэрыяльна-тэхнічнай базы ў галіне. У 2018 годзе разам з 32 іншымі фігурантамі пачаў праходзіць па справе аб карупцыі ў беларускай медыцыне. 20 ліпеня 2018 года быў вызвалены ад пасады намесніка міністра «ў сувязі з учынкам, несумяшчальным са знаходжаннем на дзяржаўнай службе»^[3]. 8 лютага 2019 года Мінскі гарадскі суд прыгаварыў былога намесніка міністра аховы здароўя Ігара Ласіцкага да шасці гадоў пазбаўлення волі з канфіскацыяй усёй маёмасці і забаронай займаць адміністрацыйна-гаспадарчыя пасады на пяць гадоў за хабарніцтва ў вялікім памеры^[2].

Ігар Ласіцкі правёў за кратамі няпоўныя тры гады і выйшаў на волю^[4].

Зноскі

1. https://chinovniki.info/%D1%87%D0%B8%D0%BD%D0%BE%D0%B2%D0%BD%D0%B8%D0%BA/l7qztq.html
2. Лосицкий Игорь Геннадьевич Архівавана 25 лістапада 2022. (руск.)
3. Игорь Лосицкий (руск.)
4. На свободу вышел Игорь Лосицкий - бывший замминистра здравоохранения (руск.)