Ільінская капліца (Глыбокае)

Ільінская капліца^[1][2] — капліца знаходзіцца ва ўсходняй частцы горада Глыбокае, на Капцёўскіх могілках. Пабудавана кармелітамі ў канцы 18 ст. з цэглы як капліца Св. Антонія^[3].

Каталіцкі храм
Ільінская капліца
55°08′22,58″ пн. ш. 27°42′22,82″ у. д.HGЯO
Краіна	Беларусь
Горад	Глыбокае
Канфесія	Рымска-каталіцкая царква
Тып будынка	капліца
Архітэктурны стыль	класіцызм
Дата пабудовы	XVIII стагоддзе
Статус	Гісторыка-культурная каштоўнасць Беларусі, шыфр 213Г000364шыфр 213Г000364
Стан	руйнуецца
Медыяфайлы на Вікісховішчы

Архітэктура

Інтэр'ер Ільінскай капліцы, 1929 г.

Помнік архітэктуры класіцызму. Прамавугольны ў плане аб'ём пад 2-схільным дахам, які на галоўным і тыльным фасадах вылучаны трохвугольнымі франтонамі. Франтон галоўнага фасада завершаны 4-граннай званічкай. Атынкаваныя фасады расшыты пад квадравую муроўку і крапаваны пілястрамі, апяразаны карнізным поясам. Унутры малітоўная зала перакрыта плоскай столлю, над уваходм размешчаны хоры. Сцены мелі фрэскавы роспіс (затынкаваны ў 1930-х гг.).

Зноскі

1. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
2. Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.
3. Капліца святога Антонія // Кулагін, А.М. Каталіцкія храмы Беларусі / А.М. Кулагін ; фатограф А.Л. Дыбоўскі. – Мн., 2008. – С. 94-95.