Інгеборга Мсціслаўна

Інгеборга Кіеўская, Інгеб’ёрг (прыкладна 1100 — пасля 1137) — руская князёўна, жонка дацкага герцага Кнуда Лаварда. Паходзіла з роду Рурыкавічаў. Дачка Мсціслава Уладзіміравіча, вялікага князя кіеўскага, і яго першай жонкі Хрысціны Інгесдотэр, дачкі шведскага караля Інгэ I. Вядомая па заходніх крыніцах, славянскае імя не захавалася.

Інгеборга Мсціслаўна
Нараджэнне	1100 Кіеў, Кіеўская Русь
Смерць	1137[1]
Род	Рурыкавічы
Бацька	Мсціслаў Уладзіміравіч[2]
Маці	Хрысціна Інгесдотэр[2]
Муж	каля Кнуд Лавард[2][3]
Дзеці	Вальдэмар I Вялікі, Christina of Denmark[d][4] і Margrethe Knudsdatter[d]

Меркавана атрымала нядрэнную адукацыю пры двары бацькі. Каля 1116 года быў заключаны шлюб паміж Інгеборгай і Кнудам Лавардам, герцагам паўднёвай Ютландыі, сынам дацкага караля Эрыка I Добрага. «Гісторыя дацкіх каралёў» (XIII ст.), заснаваная на паэтычных крыніцах, апісвае сватаўство Кнуда, чый пасол усхваляе яго пры двары Мсціслава Уладзіміравіча. Шлюб быў арганізаваны Маргарытай Фрэдкулай  (англ.), каралевай Даніі і цёткай Інгеборгі з боку маці.

Разам з мужам Інгеборга Кіеўская была ўцягнута ў барацьбу за дацкую карону, прэтэндэнтам на якую ён быў. Падчас гэтай барацьбы ў 1131 годзе Кнуд быў забіты. Праз некалькі дзён пасля гэтага Інгеборга нарадзіла пасмяротнага сына Кнуда — будучага караля Даніі Вальдэмара I Вялікага, названага ў гонар прадзеда, Уладзіміра Манамаха. У 1137 годзе Інгеборга разам з дзецьмі вымушана была вярнуцца на радзіму. Яе далейшы лёс невядомы.

Сям’я

Муж — Кнуд Лавард (1096—1131), герцаг паўднёвай Ютландыі

Дзеці:

• Крысціна  (англ.) (1118—1139?), жонка Магнуса IV, караля Нарвегіі
• Маргарыта, жонка Стыга Хвіталедра  (нарв.)
• Кацярына, жонка Прыбіслава Генрыха, князя Брандэнбурга  (ням.) (?-1150)
• Вальдэмар (1131—1182), кароль Даніі ў 1157—1182 гадах

Зноскі

1. Dictionary of Women Worldwide: 25,000 Women Through the Ages / A. Commire, D. Klezmer — Detroit: Gale, Yorkin Publications, 2006. — 2572 p. — ISBN 978-0-7876-7585-1

   <a href='https://wikidata.org/wiki/Track:Q18608895'></a><a href='https://wikidata.org/wiki/Track:Q2077283'></a><a href='https://wikidata.org/wiki/Track:Q12439'></a><a href='https://wikidata.org/wiki/Track:Q4768240'></a><a href='https://wikidata.org/wiki/Track:Q107407429'></a><a href='https://wikidata.org/wiki/Track:Q105802405'></a>
2. Kindred Britain

   <a href='https://wikidata.org/wiki/Track:Q75653886'></a>
3. (unspecified title) Праверана 7 жніўня 2020.
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>