Інкапраект

«Інстытут Інкапраект» (руск.: Институт Инкопроект) — недзяржаўная праектная арганізацыя ў Мінску. Размяшчаецца па Калектарнай вуліцы, 3А^[1].

«Інстытут Інкапраект»
Тып	праектна-вышукальны вытворчы кааператыў
Заснаванне	1988
Краіна	Беларусь
Размяшчэнне	Мінск, вул. Калектарная, 3А
Галіна	праектна-вышукальныя работы, архітэктурнае праектаванне, рэканструкцыя і рамонт будынкаў
Прадукцыя	праектна-каштарысная дакументацыя
Сайт	inkoproekt.by

Займаецца распрацоўкай праектнай дакументацыі для будаўніцтва, рэканструкцыі і капітальнага рамонту жыллёва-грамадзянскіх і вытворчых аб’ектаў, а таксама выкананнем інжынерных вышукальных работ^[1].

Гісторыя

Кааператыў быў заснаваны ў 1988 годзе пад назвай «Камжылпраект», з 26 верасня 2000 года сучасная назва ^[1].

Праекты

За час сваёй дзейнасці кааператывам спраектавана больш за тысячу аб’ектаў^[1]. Сярод рэалізаваных і бягучых праектаў^[2]:

• адміністрацыйны будынак з аўтамыйкай, крамаю тавараў і міні-кафэ па завулку Казлова ў Мінску;
• шматфункцыянальны комплекс у пасёлку Каралёў Стан Мінскага раёна;
• царква хрысціян веры евангельскай у аг. Альшаны Столінскага раёна;
• капітальны рамонт з мадэрнізацыяй лабараторнага корпуса па Лагойскім тракце, 22 у Мінску;
• рэканструкцыя адміністрацыйных памяшканняў вытворча-лагістычнага комплексу «Сухарукія»;
• праектныя работы на плошчы Свабоды ў межах гістарычнай забудовы раёна «Верхні горад» (помнік архітэктуры XVIII—XX стст.);
• адміністрацыйна-гандлёвы комплекс у квартале вуліц Няміга — Калектарная ў Мінску;
• рэканструкцыя будынка крамы з надбудовай паверха па 2-м Веласіпедным завулку ў Мінску.