Інэсіс

Інэсіс (лат.: Inesis) — возера ў Інэшскай воласці Вэцпіебалгскага краю Латвіі. Размешчана на Відземскім узвышшы ў катлавіне, якая мае ледавіковае паходжанне. Плошча паверхні — 5,19 км². Найбольшая глыбіня — 4,9 метра пры сярэдняй, роўнай 2,8 метра. Вышыня воднага люстэрка — 194,7 метра над узроўнем мора. Перыяд поўнага водаабмену возера складае 1 год.

Інэсіс
Морфаметрыя
Вышыня над узроўнем мора	194,7 м
Даўжыня	3,8 км
Плошча	5 км²
Аб’ём	0,0147 км³
Найбольшая глыбіня	2,8 м і 4,9 м
Басейн
Плошча вадазбору	49,1 км²
Размяшчэнне
Краіна	Латвія
Інэсіс
Медыяфайлы на Вікісховішчы

На тэрыторыі возера — сем астравоў агульнай плошчай 4,9 га і некалькі водмеляў. Берагавая лінія мае працягласць 15,4 км, разам з астравамі — больш за 18 кіламетраў. Дно ў многіх месцах пакрыта глеем, у залівах сапрапель дасягае 3,5 м у таўшчыню.

У возера ўпадаюць рэкі Пілэ і Ласкатэ і выцякае — Арысарэ.