Іосіф Васілевіч Матрунчык

Іосіф Васільевіч Матрунчык (1903—1945) — гвардыі падпалкоўнік Рабоча-сялянскай Чырвонай арміі, удзельнік савецка-фінскай і Вялікай Айчыннай войнаў, Герой Савецкага Саюза (1940).

Іосіф Васілевіч Матрунчык
Дата нараджэння	21 студзеня 1903(1903-01-21)
Месца нараджэння	Кайкава, Міханавіцкі сельсавет, Мінскі раён, Беларусь
Дата смерці	9 мая 1945(1945-05-09) (42 гады)
Месца смерці	Польшча
Месца пахавання	Велікапольскае ваяводства
Грамадзянства	СССР
Прыналежнасць	СССР
Род войскаў	авіяцыя
Гады службы	1925—1945
Званне	Падпалкоўнік
Часць	326-я бамбардзіровачная авіяцыйная дывізія  (руск.)
Пасада	лётчык-інспектар па тэхніцы пілатавання
Бітвы/войны	Савецка-фінская вайна Вялікая Айчынная вайна
Узнагароды і званні

Біяграфія

Іосіф Матрунчык нарадзіўся 21 студзеня 1903 года ў вёсцы Кайкава (цяпер — Мінскі раён Мінскай вобласці Беларусі). Пасля заканчэння шасці класаў школы працаваў батраком, чорнарабочым. У лістападзе 1925 года Матрунчык быў прызваны на службу ў Рабоча-сялянскую Чырвоную Армію. У 1932 годзе ён скончыў Арэнбургскую ваенную авіяцыйную школу летназаў, у 1934 годзе — Барысаглебскую ваенную авіяцыйную школу лётчыкаў^[1].

Удзельнічаў у баях савецка-фінскай вайны, будучы камандзірам эскадрыллі 18-га хуткаснага бамбардыровачнага авіяпалка 15-й арміі. За час вайны здзейсніў 59 баявых вылетаў на бамбардзіроўку вялікіх колькасцяў фінскай баявой тэхнікі і жывой сілы, нанёсшы суперніку вялікія страты^[1].

Указам Прэзідыума Вярхоўнага Савета СССР ад 20 мая 1940 года за «мужнасць і гераізм, праяўленыя ў баях» капітан Іосіф Матрунчык быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка» за нумарам 338^[1].

Удзельнічаў у баях Вялікай Айчыннай вайны, быў цяжка паранены. Пасля ранення быў лётчыкам-інспектарам па тэхніцы пілатавання ў 326-й бамбардзіровачнай авіяцыйнай дывізіі  (руск.).

Загінуў 9 мая 1945 года, падарваўшыся на супрацьтанкавай міне  (руск.). Пахаваны ў горадзе Піла Вялікапольскага ваяводства Польшчы^[1].

Быў узнагароджаны двума ордэнамі Леніна, двума ордэнамі Чырвонай Зоркі, медалямі^[1].

Зноскі

1. Іосіф Васілевіч Матрунчык на сайце «Героі краіны»