Ірына Аляксандраўна Супрановіч

У Вікіпедыі ёсць артыкулы пра іншых людзей з прозвішчам Супрановіч.

Ірына Аляксандраўна Супрановіч (16 кастрычніка 1973, в. Крывое Сяло, Вілейскі раён, Мінская вобласць) — беларускі дзеяч мясцовага кіравання, дэпутат Палаты прадстаўнікоў Нацыянальнага сходу Рэспублікі Беларусь 7 склікання^[1], член Пастаяннай камісіі па працы і сацыяльных пытаннях^[2].

Ірына Аляксандраўна Супрановіч
Дэпутат Палаты прадстаўнікоў Нацыянальнага сходу Рэспублікі Беларусь VII склікання
Прэзідэнт	Аляксандр Лукашэнка
Нараджэнне	16 кастрычніка 1973(1973-10-16) (51 год) Крывое Сяло, Вілейскі раён, Мінская вобласць, Беларуская ССР, СССР
Партыя	Камуністычная партыя Беларусі Камуністычная партыя Беларусі
Адукацыя	Баранавіцкі дзяржаўны ўніверсітэт Акадэмія кіравання пры Прэзідэнце Рэспублікі Беларусь

Біяграфія

Нарадзілася 16 кастрычніка 1973 года ў вёсцы Крывое Сяло Вілейскага раёна Мінскай вобласці.

Скончыла Баранавіцкі дзяржаўны ўніверсітэт па спецыяльнасці «Правазнаўства»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне сацыяльнай сферай».

Працавала загадчыкам крамы; сакратаром Рабунскага сельскага выканаўчага камітэта; старшынёй Крывасельскага сельскага выканаўчага камітэта.

Выбіралася дэпутатам Рабунскага сельскага Савета дэпутатаў 24—26-га скліканняў, Крывасельскага сельскага Савета дэпутатаў 27-га і 28-га скліканняў, Вілейскага раённага Савета дэпутатаў 28-га склікання.

Сям’я

Замужам, мае двух сыноў

Узнагароды

• Падзякі Мінскага абласнога выканаўчага камітэта, Вілейскага раённага выканаўчага камітэта.
• Званне «Чалавек года Вілейшчыны — 2016».
• Званне «Жанчына года Міншчыны» ў намінацыі «Гаспадыня сяла — 2018».
• Заносілася на Дошку гонару Вілейскага раёна.

Зноскі

1. Сведения о результатах голосования по выборам депутатов Палаты представителей Национального собрания Республики Беларусь седьмого созыва 17 ноября 2019 года по Минской области Архівавана 29 верасня 2020.
2. Супрановіч Ірына Аляксандраўна