Ірына Уладзіміраўна Тылец

Ірына Уладзіміраўна Тылец — беларуская дзяржаўная дзяячка, сакратар Пленума Вярхоўнага Суда Рэспублікі Беларусь і старшыня Рэспубліканскага савета суддзяў. Член Прэзідыума Усебеларускага народнага сходу (з 2024 года).

Ірына Уладзіміраўна Тылец
Член Прэзідыума Усебеларускага народнага сходу з 25 красавіка 2024
Прэзідэнт	Аляксандр Лукашэнка
Кіраўнік урада	Раман Галоўчанка
Адукацыя	юрыдычны факультэт БДУ (1992)
Узнагароды

Біяграфія

У 1992 годзе скончыла юрыдычны факультэт Беларускага дзяржаўнага ўніверсітэта. У сістэме судоў агульнай юрысдыкцыі працуе з 1985 года. Пачынала юрыдычную кар’еру з пасады сакратара судовага паседжання суда Кастрычніцкага раёна Мінска. У 1993 годзе была назначана на пасаду суддзі гэтага ж суда, у 1996 годзе — на пасаду намесніка старшыні суда Кастрычніцкага раёна Мінска^[1].

У 2004 годзе Ірына Тылец назначана суддзёй Вярхоўнага Суда Рэспублікі Беларусь. У чэрвені 2008 года ёй прысвоены першы кваліфікацыйны клас. З 27 верасня 2018 года — сакратар Пленума Вярхоўнага Суда Беларусі. 1 лістапада 2023 года абрана старшынёй Рэспубліканскай рады суддзяў^[1].

З 25 красавіка 2024 года член Прэзідыума Усебеларускага народнага сходу.

Узнагароды

• медаль «За працоўныя заслугі»^[2]