Ітуры (правінцыя)

У паняцця ёсць і іншыя значэнні, гл. Ітуры.

Ітуры (фр.: Ituri) — правінцыя Дэмакратычнай Рэспублікі Конга, размешчаная на паўночным усходзе краіны.

Ітуры
Ituri
Краіна	ДР Конга
Адміністрацыйны цэнтр	Бунія
Афіцыйныя мовы	суахілі, французская
Насельніцтва (2005)	4 241 236
Шчыльнасць	64,6 чал./км²
Плошча	65 658 км²
Часавы пояс	+2
Код ISO 3166-2	CD-IT
Афіцыйны сайт

Геаграфія

Да канстытуцыйнай рэформы 2005 года правінцыя Ітуры была часткай былой Усходняй правінцыі. Адміністрацыйны цэнтр — горад Бунія. Па тэрыторыі правінцыі працякае рака Ітуры. Значную частку тэрыторыі пакрывае трапічны лес Ітуры.

Насельніцтва

Насельніцтва правінцыі — 1 482 076 чалавек (2005)^[1].

Ітуры населены рознымі этнічнымі групамі, сярод якіх можна вылучыць плямёны пігмеяў, якія дагэтуль адрэзаны ад цывілізацыі і жывуць паляваннем і збіральніцтвам. Пігмеі племя Мбуці лічацца самымі нізкімі ў свеце, іх сярэдні рост складае 135 см^[2].

Флора і фауна

У правінцыі расце больш 30 000 кветкавых раслін, водзіцца больш 1400 відаў птушак і 400 відаў сысуноў, у тым ліку такія рэдкія віды як акапі, гарылы, шымпанзэ, леапарды, шматлікія віды папугаяў. У рэках водзяцца шматлікія віды рыб, а таксама гіпапатамы і нільскія кракадзілы.

Фотагалерэя

• 
  Рака Ітуры
• 
  Шымпанзэ банабо
• 
  Дамы пігмеяў

Зноскі

1. Provinces of the Democratic Republic of Congo (Congo Kinshasa) (англ.). Праверана 27 мая 2011.
2. Люди леса: охотники-мбути (руск.). Historic.Ru. Праверана 8 чэрвеня 2011.