Ітэрацыя (праграмаванне)

Ітэрацыя ў праграмаванні — арганізацыя апрацоўкі дадзеных, падчас каторай дзеянні паўтараюцца шматкроць, ня прыводзячы пры гэтым да выкліка саміх сябе (у адрозненне ад рэкурсіі) ^[1]. Калі дзеянне неабходна паўтараць вялікую колькасць раз, у праграмаванні выкарыстоўваюцца цыклы. Напрыклад, трэба вывесці 200 разоў на экран тэкст «Hello, World!". Замест двухсотразовага паўтарэння адной і той жа каманды вываду тэксту часта ствараецца цыкл, каторы паўтараецца 200 разоў і 200 разоў выконвае тое, што напісана ў змесце цыклу. Адзін крок цыкла і называецца ітэрацыяй.